2024 წელმა გვაჩვენა, რომ არსებული წარმადობა საკმარისი არ არის მოთხოვნასთან მიმართებაში და უკვე მიმდინარეობას საწარმოს გაფართოება, -  ამის შესახებ Business Insider Georgia-სთან კომპანია Milk Laboratory - რძის ლაბორატორიას ბიზნესის განვითარების მენეჯერმა მარიამ ჭუბაბრიამ განაცხადა. მისი განმარტებით, არსებული გეგმის მიხედვით გაფართოების პროცესი აპრილისთვის დასრულდება.

„პარალელურად გავზარდეთ თბილისის საწყობის მოცულობაც. ირკვევა, რომ Milk Laboratory-ს გეგმებშია რძის ბოთლებში ჩამოსხმაც. 

„რძის ბოთლში ჩამოსხმასაც დავიწყებთ ახალი საწარმოს დასრულების შემდგომ. მიუხედავად იმისა, რომ ასორტიმენტი საკმაოდ ფართო გვაქვს, არ ვაპირებთ გაჩერებას და ახალ პროდუქტებსაც შევთავაზებთ მომხმარებელს“, რაც მთავარია რაოდენობის გაზრდასთან ერთად პროდუქციის უმაღლეს ხარისხს მუდამ შევინარჩუნებთ.  - აცხადებს Milk Laboratory-ის ბიზნესის განვითარების მენეჯერი.

საგულისხმოა, რომ 2024 წელს კომპანიის გაყიდვები 20%-ით გაიზარდა.

„შევედით ახალ ობიექტებში, როგორიცაა „გუდვილი“, „ბლაუნშტაინი“, „წისქვილის ბაზარი“. ასევე დავიწყეთ ონლაინ გაყიდვები „ვოლტზე“ და „გლოვოზე.“ 

ასევე, გაიზარდა კომპანიის დასაქმებულების გუნდი როგორც თბილისში, ასევე ყვარელში. რაც რეგიონისთვის ძალიან მნიშვნელოვანია“, - ამბობს მარიამ ჭუბაბრია.

„რძის ლაბორატორია“ არის „ყვარლის ბაგას“ პარტნიორი კომპანია, რომელიც 2019 წლიდან ფუნქციონირებს. აღსანიშნავია, რომ „ყვარლის ბაგა“ ამიერკავკასიაში ყველაზე დიდი ფერმაა, 2000-ზე მეტი ჰოლშტეინის ჯიშის ძროხით და დაკომპლექტებულია საუკეთესო აღჭურვილობით.

„რძის ლაბორატორიის“ პროდუქცია მზადდება მხოლოდ „ყვარლის ბაგას“ უმაღლესი ხარისხის ნამდვილი რძისგან, ყოველგვარი ფხვნილის, დანამატის თუ კონსერვანტის გარეშე. კომპანიას გააჩნია ISO სერტიფიკატი და HACCP -ის ევროპული სტანდარტები.
„რძის ლაბორატორია“ საცალო გაყიდვების გარდა, თანამშრომლობს ცნობილ ბრენდებთან, როგორიცაა Samzeo Hotels, სკა, სმარტი, ჰილტონი ა.შ.