მთავარიბიზნესიეკონომიკატურიზმი
ფინანსებიჯანდაცვასპორტიყველა სიახლე
ტექნოლოგიებიმსოფლიოპოლიტიკაფინანსური განათლება
სტარტაპებიWEEKENDბიზნესმრჩეველისაზოგადოება
კიბერუსაფრთხოებავიდეომოსაზრებაპერსონალური ფინანსები
პოდკასტებიედიტორიალიბიზნეს ინთელიჯენსიშაინენერჯი
flag
AMD 7035.5
-0.0045
flag
AZN 1.6186
-0.0013
flag
CNY 37.677
0.0029
flag
EUR 3.1274
0.0045
flag
GBP 3.6512
0.0035
flag
KZT 52.53
-0.0073
flag
TRY 0.0722
-0.0001
flag
USD 2.7523
-0.0021

ლევან დავითაშვილმა ცენტრალური აზიის რეგიონალური ეკონომიკური თანამშრომლობის პროგრამის (CAREC) სამუშაო შეხვედრა გახსნა

news image

პირველმა ვიცე-პრემიერმა, ეკონომიკისა და მდგრადი განვითარების მინისტრმა თბილისში ცენტრალური აზიის რეგიონალური ეკონომიკური თანამშრომლობის პროგრამის (CAREC) სამუშაო შეხვედრას უმასპინძლა. რეგიონში ფინანსური ტექნოლოგიების (Fintech) განვითარების საკითხებისადმი მიძღვნილი შეხვედრა ლევან დავითაშვილის სიტყვით გაიხსნა, სადაც მან CAREC-ის ქვეყნების თანამედროვე ეკონომიკური ტენდენციების შექმნა-განვითარების პროცესში ფინანსური ტექნოლოგიების მნიშვნელობაზე ისაუბრა. 

„იზრდება რა, რეგიონი და შესაბამისი ეკონომიკები, კაპიტალის გადანაწილება ქვეყნის თუ რეგიონის დონეზე ჩვენი რეფორმების ერთ-ერთი მთავარი ამოცანა ხდება. ფინანსურ ტექნოლოგიას კატალიზატორი როლი აქვს ამ ტენდენციების გაძლიერებაში, ვინაიდან სახეზეა გაზრდილი მოთხოვნა და კაპიტალის მობილიზების საჭიროება. ფინანსურ ტექნოლოგიას შეუძლია აამაღლოს და დააყენოს ჩვენი რეგიონალური ეკონომიკა უფრო მდგრად გზაზე და ჩვენ, მთავრობებმა, მხარი უნდა დავუჭიროთ ამ ძალისხმევას. რეგიონული თანამშრომლობა, სადაც მძლავრობს ფინანსური ტექნოლოგიები,  განცალკევებული ამოცანა არ არის", - განაცხადა ლევან დავითაშვილმა თავის გამოსვლაში. 

სამუშაო შეხვედრა ორი დღის განმავლობაში, 21 – 22 თებერვალს გაგრძელდება. ცენტრალური აზიის რეგიონალური ეკონომიკური თანამშრომლობის პროგრამის ქვეყნების წარმომადგენელთა გარდა მასში მონაწილეობენ საქართველოს ეროვნული ბანკის, აზიის განვითარების ბანკის ხელმძღვანელი პირები და სხვა, საფინანსო-საბანკო სექტორის წარმომადგენლები. 

როგორც ეკონომიკისა და მდგრადი განვითარების მინისტრმა აღნიშნა, დღესდღეობით არსებული ფინანსური ტექნოლოგიები, ინოვაციები თუ თანამედროვე აპლიკაციები მნიშვნელოვნად ამარტივებს საფინანსო ურთიერთობებს პარტნიორ ქვეყნებსა და ეკონომიკებს შორის. ასევე ინიციატივები, რომლებიც რეალური პლატფორმებია რეალურ დროში პარტნიორებს შორის საერთაშორისო გადახდების უზრუნველსაყოფად. შესაბამისად, უნდა მოხდეს მათი, როგორც  რეალური ეკონომიკური ზრდის ინსტრუმენტების გამოყენება. 

„საქართველოს მთავრობა რამდენიმე ღონისძიებას ატარებს, რათა ამ ტრანსფორმაციულ გზაზე დარჩეს. ჩვენმა მთავრობამ ხაზი გაუსვა ცოდნაზე დაფუძნებული, ინოვაციებზე, კერძო სექტორზე ორიენტირებული ეკონომიკური განვითარების მნიშვნელობას და დაიწყო ინოვაციური ეკოსისტემის მშენებლობა. 2014 წლიდან ჩვენ ხელს ვუწყობთ ინოვაციების, თანამედროვე ტექნოლოგიების განვითარებას, მხარს ვუჭერთ ინოვაციურ სტარტაპებს, მათ კონკურენტულ ზრდას. ასევე ხელს ვუწყობთ თანამშრომლობას მეცნიერებისა და ბიზნესის წარმომადგენლებს შორის", - აღნიშნა ლევან დავითაშვილმა. 

პირველმა ვიცე-პრემიერმა ღონისძიების მონაწილეებს ინფორმაცია მიაწოდა ეკონომიკისა და მდგრადი განვითარების სამინისტროს ინოვაციებისა და ტექნოლოგიების სააგენტოს საქმიანობაზე, რომელიც ზოგადად IT სექტორის განვითარების გარდა, უზრუნველყოფს მათ შორის საფინანსო პროგრამებზე წვდომას.  ასევე მან ისაუბრა ამ კუთხით საქართველოს საფინანსო სექტორის საქმიანობაზე. 

„ჩვენ ველით, რომ Fintech პროდუქტები გაზრდის კონკურენტუნარიანობას რეალურ ეკონომიკაში და დააახლოებს საცალო კლიენტებს ბიზნესთან. სარგებელი ამ სფეროებში ძალიან დიდია და საქართველოს, არის რა ევროკავშირის კანდიდატი (და SEPA-ის ქვეყანა, იგივე ნიშნით) ქვეყანა, ხელს უწყობს მისი უნიკალური მდებარეობა, იყოს ხიდი ევროპასა და აზიას შორის. ეს ყველაფერი დამოკიდებულია იმაზე, თუ როგორ ვითანამშრომლებთ და წინ რა გზით წავალთ", - განაცხადა ლევან დავითაშვილმა.

news banner
ავტორი
LIVE

დღის ტოპ 10 სიახლე











მოსაზრება

quote

ჩვენი ამოცანაა, ბიზნეს სექტორის ინტერესების წარმოდგენა

საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.

author სოსო ფხაკაძე

სხვა სიახლეები

ბიზნეს სიახლეები
image

საქართველოს ეკონომიკური ფორუმი

Powered by Business Insider Georgia

ვრცლად
economic forum

სიახლეების გამოწერა