კრისტინ ლაგარდი უახლოეს თვეებში ევროზონაში ინფლაციის ზრდას პროგნოზირებს
ევროპის ცენტრალური ბანკი ევროზონაში ინფლაციური ზეწოლის შემდგომ შესუსტებას ელოდება, მაგრამ უახლოეს თვეებში ინფლაციის საერთო დონე შესალოა, ოდნავ გაიზარდოს, - ამის შესახებ ევროპის ცენტრალური ბანკის პრეზიდენტმა კრისტინ ლაგარდმა განაცხადა.
ამასთან, ფასების ზრდის საშუალოვადიანი პერსპექტივები კვლავ ბუნდოვანია და მისი ერთ-ერთი მთავარი ფაქტორი ხელფასების გაზრდა იქნება, - განაცხადა ლაგარდმა.
უახლოეს წლებში ინფლაციის შენელების გამო სავალუტო ბლოკის ეკონომიკა გაძლიერდება, ასევე რეალური შემოსავლების აღდგენისა და ექსპორტზე მოთხოვნის ფონზე, - აღნიშნა ლაგარდმა.
ევროპის ცენტრალური ბანკის ხელმძღვანელმა ასევე გაიმეორა, რომ საპროცენტო განაკვეთები ევროზონაში დარჩება შეზღუდული იქამდე ვიდრე საჭირო იქნება ინფლაციის მიზნობრივ 2%-მდე დასაბრუნებლად.
ოფიციალური მონაცემებით, ევროზონის სამომხმარებლო ფასები ოქტომბერში წინა წლის ანალოგიურ პერიოდთან შედარებით 2.9%-ით გაიზარდა, რაც ყველაზე ნელი ტემპია 2021 წლის ივლისის შემდეგ. 2023 წლის სექტემბერში ფასების ზრდამ 4.3% შეადგინა, 2022 წლის ოქტომბერში - 10.6%.
დღის ტოპ 10 სიახლე
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
