,,დღეს ჩვენი დაბადების დღეა! გასული წლების განმავლობაში თქვენთან ერთად უამრავი დაუვიწყარი დღე გავატარეთ და ბევრი ჯადოსნური ემოციითაც დავიმუხტეთ. კოკა-კოლას მაგიური, საშობაო ქარავნით წელსაც მთელი საქართველო მოვიარეთ და როგორც პატარებს, ისე დიდებს გულის ცემა ერთნაირად ავუჩქარეთ. კოკა-კოლას წლევანდელი დაუვიწყარი თავგადასავლების განმავლობაში უამრავი საინტერესო აქტივობა განხორციელდა, რომელთაგანაც ჩვენთვის განსაკუთრებულად საამაყო საქართველოს ეროვნული ნაკრების დაუღალავი ქომაგობა და ისტორიული წარმატებაა. ევროპის ჩემპიონატის საგზურებისა და სხვა უამრავი პრიზის გათამაშებაც ჩვენთვის უდიდეს ბედნიერებასთან ასოცირდება. საგულდაგულოდ მოწყობილ კოკა-კოლას ფანზონებში, თქვენთან ერთად ვგულშემატკივრობდით, ვნერვიულობდით, ვიცინოდით, ვღელავდით, იმედს არ ვკარგავდით, სიხარულისგანაც კი ვტიროდით და შედეგმაც არ დააგვიანა - საქართველოს ნაკრები ევროპის ჩემპიონატზე ღირსეულად გავიდა, მეტიც, დღეს მერვედ ფინალშიც კი იბრძოლებს. რთული გამოსაცნობი არაა, რომ წლევანდელი დაბადების დღის სურვილად ჩვენი ნაკრების წარმატება და თქვენთან ერთად მეტი ჯადოსნური მომენტი ჩავიფიქრეთ. გახსოვდეთ, რომ კოკა-კოლასთან ერთად ყველაფერი უფრო სასიამოვნო და ჯადოსნურია!", - აღნიშნულია კომპანიის განცხადებაში.
ცნობისთვის, სს „კოკა-კოლა ბოთლერს ჯორჯია“ 1996 წლის 23 აპრილს დარეგისტრირდა როგორც შეზღუდული პასუხისმგებლობის საზოგადოება (შპს). 2022 და 2021 წლის 31 დეკემბრის მდგომარეობით კომპანიას ფლობდა 16 ინდივიდუალური აქციონერი. კომპანიის ძირითადი აქციონერი (87.47%) და საკონტროლო პაკეტის მფლობელი არის თემურ ჭყონია. დანარჩენ აქციებს ფლობენ კომპანიის თანამშრომლები (8.04%) და სხვა პირები (4.49%).
კომპანიის საქმიანობა მოიცავს კოკა-კოლას ბრენდის პროდუქციის წარმოებასა და ბოთლებში ჩამოსხმას საქართველოში სადისტრიბუციოდ და გასაყიდად. კომპანია ასევე ფლობს სასტუმრო „ჯორჯიან პალას ჰოტელს“ ქობულეთში, შავი ზღვის სანაპიროზე. 2018 წლის 1 მაისს, ჯგუფის სასტუმროს ბიზნესი მის აქტივებთან ერთად იჯარით გადაეცა ერთობილი კონტროლის ქვეშ მყოფ კომპანიას (შენიშვნა 8).
კომპანიამ გადაიტანა საწარმო და ადმინისტრაციული ოფისი ნატახტარში. ყველა საწარმო ხაზი ახალ ქარხანაში ოპერირებდა 2020 წლის ივლისიდან, ხოლო ადმინისტრაციული შენობა 2020 წლის სექტემბრიდან. ჯგუფმა ძველი საწარმო მიწასთან ერთად დააკლასიფიცირა, როგორც საინვესტიციო ქონება (შენიშვნა 8) და მისი განვითარებისთვის აქვს აქტიური გეგმები.
The Coca-Cola Company-სთან (“TCCC“), Coca-Cola Export Corporation-სა და Sweppers Holding Limited-თან ჩამოსხმისა და სხვა შეთანხმებების შესაბამისად კომპანია TCCC-ის სავაჭრო ნიშნიან პროდუქციას აწარმოებს, ფუთავს და მის დისტრიბუციას ახორციელებს საქართველოში, ხოლო TCCC ნაწილობრივ არის პასუხისმგებელი TCCC-ის სავაჭრო ნიშნიანი ისეთი პროდუქციის მარკეტინგზე, როგორიცაა: Coca-Cola, Coca-Cola Zero, Coca-Cola Without Sugar, Fanta, Fanta Tropic, Schweppes, Sprite, Mtis, Burn და Fuse Tea. TCCC ასევე პასუხისმგებელია შესაბამისი კონცენტრატებითა და სასმელებით კომპანიის მომარაგებაზე. ამასთან, კომპანიას აქვს გაყიდვის უფლება თუნუქის და მინის ქილებში ჩამოსხმული სასმელის აზერბაიჯანსა და სომხეთში. TCCC-თან პირველ შეთანხმებას ხელი მოეწერა 1993 წელს და მას შემდეგ შეთანხმების მოქმედების ვადა პერიოდულად გრძელდება (ნახევარ წელიწადში ან წელიწადში ერთხელ, დაწყებული 2008 წლიდან).
უახლესი
8 საათის წინ
დეპოზიტების პორტფელის ლარიზაციამ 51%-ს გადააჭარბა