6 სექტემბერს, ჰეიდარ ალიევის სახელობის საერთაშორისო აეროპორტში, თბილისი-ბაქოს მიმართულებით პირველი Georgian Wings რეისი წარმატებით შესრულდა. 

ჰეიდარ ალიევის საერთაშორისო აეროპორტის პრესსამსახურში აცხადებენ, რომ ქართული ავიაკომპანიის თვითმფრინავს ტრადიციულად წყლის თაღი დახვდა.

Georgian Wings-ის პირველი რეისის ჩასვლის ცერემონიას ავიაკომპანიის წარმომადგენლები და საქართველოს ელჩი აზერბაიჯანში ზურაბ პატარაძე დაესწრნენ. მათ ხაზი გაუსვეს ამ ღონისძიების მნიშვნელობას ქვეყნებს შორის ურთიერთობების განვითარებისთვის.

„ჩვენი აეროპორტი ისწრაფვის უწყვეტი განვითარებისა და საერთაშორისო პარტნიორობის გაფართოებისკენ და ამ მარშრუტის გაშვება კიდევ უფრო მეტ შესაძლებლობებს უხსნის ორ ქვეყანას ტურიზმის, ბიზნესისა და კულტურული განვითარებისთვის“, - განაცხადა ჰეიდარ ალიევის საერთაშორისო აროპორტის დირექტორმა თეიმურ ჰასანოვმა. 

"ჩვენ ვამაყობთ, რომ აღვნიშნავთ ჰეიდარ ალიევის საერთაშორისო აეროპორტში თბილისი-ბაქოს მარშრუტზე პირველი Georgian Wings რეისის წარმატებით დაფრენას. ეს მნიშვნელოვანი მომენტი ხაზს უსვამს ჩვენს ახლო მეგობრულ მეზობლობას საქართველოსა და აზერბაიჯანს შორის. ეს მარშრუტი გვიხსნის უსაზღვრო შესაძლებლობებს. განვავითაროთ ტურიზმი, ბიზნესი და კულტურული გაცვლა ჩვენს ქვეყნებს შორის. ამ კვირაში დაიწყება რეგულარული ფრენები ATR72-500 თვითმფრინავით, რომელიც უზრუნველყოფს კომფორტულ ფრენებს თბილისსა და ბაქოს შორის. ჩვენ ველოდებით ყველას, ვინც Georgian Wings-ს ბორტზე ახორციელებს ახალი ჰორიზონტების გახსნას და ჩვენი პარტნიორობის გაძლიერებას“, - აღნიშნა ავიაკომპანია Georgian Wings-ის აღმასრულებელმა დირექტორმა ედისონ ფიფიამ.

Georgian Wings რეგულარულ რეისებს თბილისი-ბაქო-თბილისის მიმართულებით კვირაში სამჯერ: ოთხშაბათს, პარასკევს და კვირას შეასრულებს.

ამ მარშრუტის ბილეთების შეძენა შესაძლებელია ავიაკომპანიის ოფიციალურ ვებგვერდზე www.georgianwings.com, ასევე ავიაკომპანიის გაყიდვების ოფისებში.