Galt & Taggart-ი ელის, რომ მიმდინარე წელს რეფინანსირების განაკვეთი 8%-ზე შენარჩუნდება

Galt & Taggart-ი ელის, რომ მიმდინარე წელს რეფინანსირების განაკვეთი 8%-ზე შენარჩუნდება

„2024 წლის 11 სექტემბერს სებ-ის მონეტარული პოლიტიკის კომიტეტმა უცვლელად შეინარჩუნა საპროცენტო განაკვეთი 8.0%-ზე, რაც ასახავს სურსათისა და ენერგიის ბაზრებზე გლობალურ გაურკვევლობას, მიწოდების ჯაჭვებში და საერთაშორისო მიწოდების მუდმივ შეფერხებებს. გარდა ამისა, საქართველოში ძლიერი ეკონომიკური ზრდა ემატება ინფლაციურ ზეწოლას. ჩვენ ვვარაუდობთ, რომ ეროვნული ბანკი ამ მაჩვენებელს 2024 წლის განმავლობაში შეინარჩუნებს“, - ნათქვამია Galt & Taggart-ის მიმოხილვაში.

2024 წელს მონეტარული პოლიტიკის კომიტეტი 6-ჯერ შეიკრიბა და განაკვეთი წლის დასაწყისიდან 9%-დან 8%-მდე შეიცვალა.