საქართველოს ეროვნული ბანკი იწვევს ეკონომისტებს, მკვლევარებს, ანალიტიკოსებს,  უმაღლესი საგანმანათლებლო დაწესებულებების სტუდენტებს და სხვა დაინტერესებულ პირებს კონფერენციაში მონაწილეობის მისაღებად.

კონფერენცია, სებ-ის მაკროეკონომიკისა და სტატისტიკის დეპარტამენტის ორგანიზებით, თბილისში მიმდინარე წლის დეკემბერში გაიმართება. ღონისძიება მიზნად ისახავს მონეტარული პოლიტიკის ჩარჩოს არსებული გამოწვევებისა და სამომავლო დახვეწის შესახებ დისკუსიების გამართვასა და ანალიზს. კონფერენცია მოიცავს შემდეგ თემატიკას:
 

• მონეტარული პოლიტიკა გაურკვევლობის პირობებში 
• მონეტარული პოლიტიკის გამოწვევები მცირე ღია განვითარებადი ეკონომიკებისთვის
• მომავალი მონეტარული პოლიტიკის სტრატეგიების შემუშავება
• მონეტარული პოლიტიკის კომუნიკაცია გაურკვევლობის პირობებში

მონაწილეობის მსურველმა კანდიდატებმა ჩამოთვლილი თემებიდან ერთ-ერთის შესახებ უნდა წარმოადგინონ უკვე გამოქვეყნებული კვლევა/ ნაშრომი.

წარმოდგენილ ნაშრომებს განიხილავს და კონფერენციაზე პრეზენტაციის სახით წარსადგენად შეარჩევს საორგანიზაციო საბჭო, რომელიც მსოფლიოს ერთ-ერთ წამყვან ეკონომისტთან დუგლას ლაქსტონთან ერთად სებ-ის თანამშრომლებითაა დაკომპლექტებული.

ნაშრომების გამოგზავნის ბოლო ვადაა : 31 ოქტომბერი, 2024

კონფერენციის სამუშაო ენა: ინგლისური

განაცხადის გაგზავნა შესაძლებელია ელექტრონული ფოსტის შემდეგ მისამართზე: Research@nbg.gov.ge

ნაშრომების მიღების ვადის ამოწურვის შემდგომ დაკავშირება მოხდება შერჩეულ კანდიდატებთან.