მუსის დესერტებისა და სხვადასხვა გამორჩეული დიზაინის ტორტების მაღაზია Mon Nuage უახლოეს მომავალში თბილისში კიდევ ერთ მაღაზიას გახსნის, სადაც მომხმარებელს ექნება საშუალება სხვადასხვა პროდუქტი ადგილზე დააგემოვნოს.
დესერტების მაღაზიის PR მენეჯერმა მაკა დვალმა Business Insider Georgia-ს განუცხადა, რომ 2024 წლისთვის ბევრი ახალი და საინტერესო გეგმები აქვთ.
„ჩვენი სურვილია, მომხმარებლებს ახალი, საინტერესო პროდუქტები შევთავაზოთ“, - ამბობს Mon Nuage-ის PR მენეჯერი.
ამ დროისთვის ბრენდის ერთად-ერთი მაღაზია თბილისში, ალექსანდრე დიუმას 14-ში მდებარეობს და მომხმარებელს ონლაინ მომსახურებას სთავაზობს. შესაძლებელია დესერტების ადგილზე შეძენაც.
გასული წლის მთავარ წარმატებად ბრენდის წარმომადგენლები უნიკალური და ინდივიდუალურ ფორმების შექმნას ასახელებენ, მათ შორისაა ქვევრი, ჩიჩილაკი და ა.შ. Mon Nuage-ის პროდუქტებიდან 2023 წელს ყველაზე მოთხოვნადი და პოპულარული 3D ტორტები იყო.
დესერტების ბრენდი ბაზარზე 2022 წლის აგვისტოში გამოჩნდა და მას შემდეგ მომხმარებელს გამორჩეული დიზაინის მქონდე ტორტებს სთავაზობს.
„ჩვენს დესერტებს, გემოსთან ერთად, ვიზუალური მომხიბვლელობა გამოარჩევს. დესერტების მომზადებას რამდენიმე საათი სჭირდება. რა თქმა უნდა, მომხმარებლის სურვილის მაქსიმალურად ვითვალისწინებთ. ვამზადებთ მათთვის საინტერესო დიზაინში და ვიღებთ მათთვის სასურველ გემოებს“, - ამბობს მაღაზიის PR მენეჯერი.
Mon Nuage ამ დროისთვის ათამდე ადამიანს ასაქმებს.
უახლესი
