ჩვენი მიზანია, ხელი შევუწყოთ მცირე მარნების განვითარებას - Vintner -ი
კომპანია Vintner • ვინტნერის თანადამფუძნებელი ალექსანდრე უკლება Business Insider Georgia-თან ამბობს, რომ ამავე სახელწოდებით თბილისში, ახალი ღვინის ბარი გაიხსნა.
ბარის მთავარი კონცეფციაა მყუდრო გარემო, სადაც მომხმარებელი შეძლებს ქართული ღვინოს დაგემოვნებას სხვადასხვა ქვეყნის ავთენტურ ტკბილეულთან და ყველთან ერთად.
„ბარში ამ დროისთვის გვაქვს მხოლოდ ქართული, მცირე მარნების ღვინოები, რადგან ჩვენი სურვილია, ხელი შევუწყოთ პატარა წარმოებებს და მათი პროდუქციის ცნობადობა გავზარდოთ. ასევე ბარში წარმოდგენილი გვაქვს ჩვენი წარმოების ღვინოც. ვაწარმოებთ 5 სახეობის ღვინოს და დროისთვის მარაგში გვაქვს მხოლოდ ქვევრის ღვინოები“, - ამბობს ალექსანდრე უკლება.
რაც შეეხება მენიუს, Vintner-ში მომხმარებელი შეძლებს ქართული, ესპანური, იტალიური, ფრანგული, ბერძნული, ტკბილეულის დაგემოვნებას.
„ტკბილეულის გარდა, ასევე გვაქვს შერეული და რჩეული ყველის დაფა, მომხმარებელს ვთავაზობთ კახურ, „მარლეტას ფერმის“ ყველს. ტკბილეულისა და ყველის დაფების გარდა ასევე გვაქვს სენდვიჩები და ბრუსკეტები, რომლისთვისაც პურს ჩვენ ვამზადებთ“, - ამბობს კომპანიის თანადამფუძნებელი.
Vintner -ი სამომავლოდ გეგმავს ბარის სივრცეში დეგუსტაციებს, კორპორაციულ ღონისძიებებსა და ასევე წვეულებების გამართვას.
დღის ტოპ 10 სიახლე
რა გავლენა იქონია ტრამპის სატარიფო პოლიტიკამ ქართული კომპანიების აქციებზე - ლაშა ქავთარაძის შეფასება
მზად ვართ ბიზნეს ვესაუბროთ შეღავათებზე, რომ ექსპორტის წილი კიდევ უფრო გაიზარდოს - შოთა ბერეკაშვილი
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
