ბათუმში ბუტიკ-სასტუმრო Indigo გაიხსნება - ინვესტიციის მოცულობა 25 მლნ ლარამდეა
წლის ბოლომდე აჭარას კიდევ ერთი მაღალი კალსის სასტუმრო შეემატება.
ბათუმში საქართველოს ეროვნული ბანკის ყოფილ შენობაში, რომელიც მემედ აბაშიძის ქუჩა N25 მდებარეობს, ბუტიკ-სასტუმრო Indigo მე-19 საუკუნის შენობაში საახალწლოდ გაიხსნება და სტუმრების მიღებას დაიწყებს.
როგორც სასტუმროს მფლობელი კომპანია „სტარ კაპიტალის“ დამფუძნებელმა ზურაბ ნასყიდაშვილმა Business Insider Georgia-ს განუცხადა, სასტუმრო 55 ნომერზეა გათვლილი და ამ დროისათვის მისი ავეჯით გაწყობის პროცესი მიმდინარეობს.
Hotel Indigo® Batumi-ში „სტარ კაპიტალის“ მიერ განხორციელებული ინვესტიციის მოცულობა 22-25 მლნ ლარამდეა, რაშიც შენობის ფასიც შედის.
კომპანიამ ბათუმში მდებარე ისტორიული ნაგებობა 2017 წლის ნოემბერში პირობებიან აუქციონზე 9.2 მლნ ლარად შეიძინა. „სტარ კაპიტალის“ ვალდებულებაა ასევე საკუთრებაში გადაცემულ ქონებაში განთავსებული საათის მოვლა-პატრონობა, რომლის ბათუმის მერიის საკუთრებაა.
აღსანიშნავია, რომ Hotel Indigo ბუტიკის ტიპის სასტუმროა, რომელიც IHG-ის წევრია. Hotel Indigo-ს პირველი სასტუმრო 2004 წლის ოქტომბერში ატლანტაში გაიხსნა. ამ დოისათვის Hotel Indigo მსოფლიოში 130-ზე მეტ სასტუმროს აერთიანებს.
რკო
ახალი კოლექცია
დღის ტოპ 10 სიახლე
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
