ამერიკაში გამოიცა აკადემიკოს ვლადიმერ პაპავას წიგნი „FROM RETROECONOMICS TO SANCTIONOMICS: ESSAYS ON UNCONVENTIONAL ECONOMICS“ [„რეტროეკონომიკიდან სანქციონომიკამდე: ესეები არატრადიციულ ეკონომიკაზე“].

ამერიკაში გამოიცა აკადემიკოს ვლადიმერ პაპავას წიგნი „FROM RETROECONOMICS TO SANCTIONOMICS: ESSAYS ON UNCONVENTIONAL ECONOMICS“- „რეტროეკონომიკიდან სანქციონომიკამდე: ესეები არატრადიციულ ეკონომიკაზე“.

წიგნი ხელმისაწვდომია Amazon-ზე და თანდართული აქვს ცნობილი ეკონომისტების შეფასებები.

Business Inider Georgia-სთან აკადემიკოს ვლადიმერ პაპავა აცხადებს, რომ აღნიშნულ წიგნზე ორი ათეული წელი მუშაობდა.

„წიგნი ეხება თანამედროვე ეკონომიკური მეცნიერების ყველაზე მწვავე და აქტუალურ პრობლემებს. ეს არის არატრადიციულ ეკონომიკაზე ესეების კრებული. განხილულია არასტანდარტული, არატრივიალური საკითხები, რაც თანამედროვე ეკონომიკური მეცნიერებისთვის მთელ მსოფლიოშია აქტუალური.  გამომდინარე იქიდან, რომ მსოფლიოში დაგროვდა არაერთი გადაუწყვეტელი პრობლემა. წიგნში მოცემულია კრიტიკული მოსაზრებები ტრადიციულ ეკონომიკურ სქემებთან დაკავშირებით და ნაჩვენებია, როგორ შეიძლება დღეს ეკონომიკურ მეცნიერებაში დაგროვილი პრობლემების გადაჭრა, “ - განაცხადა ლადო პაპავამ. 

ამ წიგნის ქართული ვარიანტი ვლადიმერ პაპავამ პირველად საქართველოში 2010 წელს გამოსცა, ხოლო მეორედ ათი წლის შემდეგ. 

„როდესაც დავრწმუნდი, რომ ქართულმა გამოცემებმა გაამართლა და ინტერესი გამოიწვია, მხოლოდ ამის შემდეგ მივიღე ამ წიგნის ინგლისური ვერსიის გამოცემის გადაწყვეტილება,“- აღნიშნა ვლადიმერ პაპავამ.