აჭარაში ევროპაში ერთ-ერთი ყველაზე გრძელი, ორზოლიანი ზიპლაინის პროექტი დასკვნით ეტაპზეა
აჭარაში ევროპაში ერთ-ერთი ყველაზე გრძელი, ორზოლიანი ზიპლაინის პროექტი დასკვნით ეტაპზეა. მასშტაბური, უპრეცედენტო ინფრასტრუქტურული პროექტი ჩირუხის მთაზე ხორციელდება და საბოლოო ჯამში "არწივის ბუდის" დიზაინით, არანაკლებ 1 789 მეტრი სიგრძის ზიპლაინის მშენებლობას ითვალისწინებს, რომელსაც პანორამული ხედი ხეობაზე ექნება. ზედა სადგური ზღვის დონიდან 2445 მეტრ სიმაღლეზე განთავსდა.
როგორც Business Insider Georgia-ს აჭარის ფინანსთა და ეკონომიკის სამინისტროში განუცხადეს, ზიპლაინის ქვედა სადგურში კი ტურისტულ-ვიზიტორთა ცენტრი იფუნქციონირებს. საპროექტო არეალი დაახლოებით 3500 კვ.მ ტერიტორიას მოიცავს. შენობაში კაფეტერია და ტერასა მოეწყობა. ორივე სადგურთან პარკინგი, ველოსადგომები და შესაბამისი განათებები განთავსდება.
პროექტის ღირებულება 9.3 მლნ ლარია. ამ ეტაპზე ბაგირი გაჭიმულია, დასრულებულია ქვედა და ზედა სადგურის მშენებლობა და მიმდინარეობს მოპირკეთება.
აჭარის მთავრობის თავმჯდომარე, თორნიკე რიჟვაძე, ევროპაში ერთ-ერთი ყველაზე გრძელი ზიპლაინის მშენებლობის მიმდინარეობას აჭარის ფინანსთა და ეკონომიკის მინისტრთან ჯაბა ფუტკარაძესთან ერთად გაეცნო.
დღის ტოპ 10 სიახლე
„ამბასადორი აილენდ ბათუმი” ინოვაციურ პროექტს დუბაის უძრავი ქონების საერთაშორისო გამოფენაზე წარადგენს
რა გავლენა იქონია ტრამპის სატარიფო პოლიტიკამ ქართული კომპანიების აქციებზე - ლაშა ქავთარაძის შეფასება
მზად ვართ ბიზნეს ვესაუბროთ შეღავათებზე, რომ ექსპორტის წილი კიდევ უფრო გაიზარდოს - შოთა ბერეკაშვილი
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
