ვგეგმავთ, GITA-თან ერთად გადამზადების კომპონენტში განვაგრძოთ თანამშრომლობა -Lineate
ჩვენ ვგეგმავთ, GITA-თან ერთად გადამზადების კომპონენტში განვაგრძოთ თანამშრომლობა. ასევე გვაქვს შიდა გადამზადების პროგრამაც, - ამის შესახებ Lineate -ის ბიზნესის განვითარების მენეჯერმა თორნიკე სულაბერიძემ დღეს პარლამენტის დარგობრივი ეკონომიკისა და ეკონომიკური პოლიტიკის კომიტეტის სხდომაზე განაცხადა, სადაც GITA-მ წლიური ანგარიში წარადგინა.
თორნიკე სულაბერიძემ ასევე საქართველოში „ლინეიტის“ შემოსვლის მიზეზებსა და 2024 წელს დაგეგმილი აქტვობებზე ილაპარაკა.
„ჩვენი კომპანია 2022 წელს შემოვიდა საქართველოში. მას შედეგ ჩვენ უკვე დავასაქმეთ 150 ადგილობრივი. ასევე ჩვენთან საშუალო ხელფასი არის 4 200 დოლარი. ამ ერთი წლის განმავლობაში ჩვენ მოვახერხეთ შემოგვეტანა დაახლოებით 15 მილიონი დოლარის ინვესტიცია. ვაპირებთ, რომ 2024 წელს გავაორმაგოთ ჩვენი ოფისების რაოდენობა საქართველოში და დასაქმებულთა რაოდენობა გავზარდოთ 300-მდე.
ასევე მომავალი წლის განმავლობაში დამატებით $10 მილიონის ინვესტიციას ვგეგმავთ საქართველოში. ჩვენთვის საკმაოდ მიმზიდველი იყო ბიზნეს-კლიმატი, ჩვენ ვისარგებლეთ საერთაშორისო კომპანიის სტატუსით. ასევე ერთ-ერთი პირველი კომპანია ვართ, რომელმაც ისარგებლა FDI- გრანტით“,- განაცხადა თორნიკე სულაბერიძემ.
დღის ტოპ 10 სიახლე
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
