ევროპარლამენტის მიერ მიღებული რეზოლუცია უფრო  პოლიტიკურია და არ აქვს შესაბამისი იურიდიული  არგუმენტაცია. ამასთან, რეზოლუციაში არ არის წარმოდგენილი კონკრეტული ფაქტები და არ არის დასაბუთებული, რატომ მოხვდა ამ ჩამონათვალში სებ-ის პრეზიდენტი. ამ გზით სებ-ისთვის გარკვეული ტიპის სირთულეების შექმნა ქვეყნის ფინანსური სტაბილურობისთვის საფრთხეების შექმნას გულისხმობს. ყველას უნდა ესმოდეს, რომ სებ-ის პრეზიდენტის წინააღმდეგ მსგავსმა განცხადებამ შესაძლოა, ქვეყანაში  ფინანსური არასტაბილურობა გამოიწვიოს. შესაბამისად მსგავსი ტიპის განცხადებები ვთვლი, რომ ასე ერთი ხელის მოსმით არ უნდა კეთდებოდეს. თუ კი ის რამეში დამნაშავეა, მაგალითად რეგულაცია შემოიღო არასწორი, ან რაიმე ოპერაცია გააკეთა, რომელიც ეწინააღმდეგება სებ-ის მანდატს, და ასე შემდეგ, ან მფარველობს ვინმეს მსგავსი საკითხები აუცილებლად უნდა დასაბუთდეს. თუ ფაქტები გვაქვს, ამაზე საუბარი გონივრულ ფარგლებში ჯდება. თუმცა უბრალოდ, ერთი ხელის მოსმით, სხვა პირებთან ერთად სებ-ის პრეზიდენტის დასახელება, რომ მოდი დავასანქციროთ არის აბსურდული, მიუღებელი და უნდა გაპროტესტდეს კიდეც საქართველოს მხრიდან“, - აცხადებს ჭარაია.

ეკონომისტი მიიჩნევს, რომ მსგავსი ტიპის გადაწყვეტილებები სავალუტო ბაზარზე რყევების გამოწვევას და ლარის კურსის გაუფასურებას ემსახურება.

„მაქვს გონივრული ეჭვი, რომ მიღებული გადაწყვეტილება სებ-ის როგორც დამოუკიდებელ ინსტიტუტზე შეტევას გავს. თანაც ისეთი უმნიშვნელოვანესი ინსტიტუტის წინააღმდეგ, რომელიც მონეტარულ პოლიტიკას განაგებს და გაცვლითი კურსის სტაბილურობას ახერხებს და ამასთან ერთად ფინანსურ სტაბილურობას ინარჩუნებს ქვეყანაში, რისი მორყევას შესაძლოა ბევრი სხვა რამის მაპროვოცირებელი იყოს. თუ ვინმე საქართველოს მეგობრად თვლის თავს, ის მსგავს განცხადება, რომ სებ-ის პრეზიდენტი უნდა დასანქცირდეს ხელს არ უნდა აწერდეს“, - აღნიშნავს ვახტანგ ჭარაია.

მისივე თქმით, დამოუკიდებელ რეგულატორზე, მით უფრო ცენტრალურ ბანკზე ზეწოლა მთელს განვითარებულ მსოფლიოში დასაგმობ საქციელად ითვლება, დანაშაულია და ამას იმ ქვეყნების პოლიტიკოსებისგან ვისმენთ, ვინც სხვებს ასწავლის რომ ცენტრალურ ბანკზე ზეწოლა მიუღებელია.

ეკონომისტის განცხადებით,  სებ-ი არის ინსტიტუტი, რომელიც აქტიურად მუშაობს და საქართველოსთან მიმართებაში საერთაშორისო სანქციების გვერდის ავლით რაიმე ტრანზაქციები არ დაფიქსირებულა.