საქართველოს საბანკო სექტორი ყოველთვის იყო მოწინავე ინვესტიციების მოზიდვის კუთხით - ალექსანდრე ძნელაძე
საქართველოს საბანკო სექტორი სტაბილურია, ამ თვალსაზრისით მნიშვნელოვანია, რომ საბანკო სექტორს აქვს მაღალი კაპიტალიზაციის მქონე ლიკვიდურობის მაჩვენებლები,- განაცხადა საბანკო ასოციაციის ხელმძღვანელმა ალექსანდრე ძნელაძემ კრედო ბანკის მიერ Symbiotics Investments-ისგან 36 მილიონი ლარის ინვესტიციის მოზიდვის შეფასებისას.
მისივე თქმით, საქართველოს საბანკო სექტორი ყველა ეტაპზე, საინვესტიციო გარემოსთან მიმართებით, ყოველთვის იყო მოწინავე ინვესტიციების მოზიდვის კუთხით.
„საქართველოს საბანკო სექტორი სანდოობის თვალსაზრისით ერთ-ერთი ყველაზე მოწინავე იყო. ამ კუთხით, განვითარების არცერთ ეტაპზე ინვესტიციების მოზიდვის კუთხით არ ჰქონია პრობლემები. ეს ასევე მეტყველებს იმაზე, რომ „კრედო ბანკში“ ახალი ინვესტორი გამოჩნდა, რომელმაც $13 მილიონის ინვესტიცია განახორციელა. ძირითადი ნაწილი არის ლარში და „კრედოსთვის“ ეს ძალიან მნიშვნელოვანია.
ამ თვალსაზრისთ შეგვიძლია ვთქვათ, რომ საბანკო სექტორი კვლავინდებურად რჩება, არა მხოლოდ ეკონომიკის დამფინანსებელ ყველაზე დიდ სექტორად საქართველოში, არამედ, კვლავინდებურად არის მყარი, განაგრძობს განვითარებას და რეალურად აფასებს იმ პოტენციალს თუ რა მიმართულებით შეუძლია კიდევ განვითარდეს“,- განაცხადა ალექსანდრე ძნელაძემ.
სხვა სიახლეები
