რუსული ავიაკომპანია Red Wings-ი სანკტ-პეტერბურგიდან ქუთაისის მიმართულებით ოპერირებას იწყებს
2 დეკემბრიდან, რუსული ავიაკომპანია Red Wings-ი ახალ პირდაპირ ავიარეისს ამატებს და სანტ-პეტერბურგიდან ქუთაისის მიმართულებით ოპერირებას იწყებს.
ამის შესახებ ინფორმაცია „პულკოვოს“ აეროპორტის პრესსამსახურმა გაავრცელა. სანკტ-პეტერბურგი-ქუთაისი-სანტ პეტერბურგის საჰაერო ხაზზე ავიაკომპანია რეისებს კვირაში ერთი სიხშირით განახორციელებს.
Red Wings-მა 28 ნოემბრიდან ასევე გაზარდა პეტერბურგიდან თბილისის მიმართულებით ფრენების რაოდენობა და დღეისათვის აღნიშნულ მიმართულებაზე კვირაში 2 სიხშირით ოპერირებს.
ფრენის ხანგრძლივობა პეტერბურგიდან საქართველოს დედაქალაქის მიმართულებით 4 საათი 5 წუთია.
სანკტ-პეტერბურგის მიმართულებით ფრენების დაწყებას გეგმავს ქართული ავიაკომპანია Georgian Airways-იც. ავიაკომპანია თბილისსა და სანკტ-პეტერბურგს შორის პირდაპირი რეისების განხორციელებას 10 დეკემბრიდან აპირებს.
თბილისსა და პეტერბურგს შორის რეისები კვირაში ორი სიხშირით, ყოველ ოთხშაბათს და კვირას შესრულდება.
დღის ტოპ 10 სიახლე
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
