საქართველოში ფულადი გზავნილების კუთხით (ჩარიცხვები) სისტემა RIA აქტუალურობას არ კარგავს და ისევ პირველ ადილზეა. 2025 წლის იანვრის მონაცემებით,  RIA-ს გამოყენებით ქვეყანაში  62,066.7 ათასი აშშ დოლარი ჩაირიცხა, რაც მთლიანი ჩარიცხვების 25.6%-ია. 

მეორე ადგილზე Western Union-ი, სისტემა 1 თვეში საქართველოს მიმართულებით ჩარიცხვებით 48,670.5 ათას აშშ დოლარს მოემსახურა, რაც მთლიანი ჩარიცხვების 20%-ია.

2025 წლის იანვარში ქვეყანაში შემოსული ფულადი გზავნილების ნაკადების მოცულობამ  242,439.8 ათასი დოლარი (689,5 მლნ ლარი) შეადგინა, რაც 8,5%-ით (22,7 მლნ აშშ დოლარით) ნაკლებია 2024 წლის იანვრის ანალოგიურ მაჩვენებელზე.

TOP 5 ფულადი გზავნილების სისტემები მიღებული თანხის მიხედვით:

• Ria -  62,066.7 ათასი აშშ დოლარი,
• Western Union - 53,810.2 ათასი აშშ დოლარი,
• Money Gramy - 48,670.5 ათასი აშშ დოლარი,
• Zolotaia Korona - 41,470.2 ათასი აშშ დოლარი,
• Intel Express - 32,094.5 ათასი აშშ დოლარი,

აღსანიშნავია, რომ უცხოეთიდან საქართველოში ფულადი გზავნილების 95,3% იმ 22 უმსხვილეს პარტნიორ ქვეყანაზე მოდის, საიდანაც გზავნილების მოცულობა იანვარში თითოეულზე 1 მლნ აშშ დოლარს აღემატებოდა. იმავე 22 ქვეყანაზე გასული წლის იანვარში მთელი ფულადი გზავნილების 95,4% მოდიოდა.

2025 წლის იანვარში საქართველოდან საზღვარგარეთ 28,3 მლნ აშშ დოლარი (80,4 მლნ ლარი) გადაიგზავნა. რაც 2024 წლის იანვრის (26,1 მლნ აშშ დოლარი) ანალოგიურ მაჩვენებელთან შედარებით 8,4% მეტია.