რატომ დაიხურა რესტორანი „პალატი თბილისი“
თბილისში, ძმები კაკაბაძეების ქუჩაზე მდებარე რესტორანი „პალატი თბილისი“, რომელიც იმერული კერძებით იყო ცნობილი, დაიხურა. ამის შესახებ ინფორმაცია რესტორნის Facebook გვერდზე გავრცელდა.
როგორც Business Insider Georgia-ს ქუთაისის „პალატის“ დირექტორმა ზურაბ ფანჯარაძემ განუცხადა, თბილისში რესტორნის დახურვის გადაწყვეტილება ფრანჩაიზის მფლობელმა მიიღო.
„ფრანჩაიზი ვისაც ჰქონდა, მან დახურა თბილისში ობიექტი და შესაბამისად ამ ბიზნესიდან ჩვენც გავედით. მეპატრონისთვის რესტორანი ისეთი მომგებიანი არ აღმოჩნდა როგორც წარმოედგინა და ერთი წლის შემდეგ დახურვის გადაწყვეტილება მიიღო“, - ამბობს ზურაბ ფანჯარაძე.
როგორც „პალატის“ მფლობელი ამბობს, ამ დროისთვის ფრანჩაიზის გაყიდვას და სხვა რეგიონებში შესვლას აღარ გეგმავენ.
სიტყვა „პალატი“ ნიშნავს ლეჩხუმური ოდის ქვითკირით ნაშენებ პირველ სართულს, სადაც ანთია ცეცხლი, ოჯახი ატარებს უმეტეს დროს და სადაც გულთბილ გარემოცვაში უმასპინძლდებიან სტუმარს.
„პალატის“ პირველი რესტორანი ქუთაისში 11 წლის წინ გაიხსნა. მაღალი მოთხოვნიდან გამომდინარე, „პალატის“ მეორე ფილიალი თბილისში 2023 წელს გაიხსნა.
ჯამში რესტორანი 35-მდე ადამიანს ასაქმებდა, აქედან 25 ქუთაისში, 10 თბილისში იყო დასაქმებული.
დღის ტოპ 10 სიახლე
ჩვენ ყველა ავიარეისის ანალიტიკას ვაკეთებთ, განსხვავებით ფსევდო ექსპერტებისგან - მარიამ ქვრივიშვილი
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
