ნათია თურნავა მასაჩუსეტსის ტექნოლოგიების ინსტიტუტის პროფესორს ათანასიოს ორფანიდისს შეხვდა
საქართველოს ეროვნული ბანკის პრეზიდენტის მოვალეობის შემსრულებელმა ნათია თურნავამ, მასაჩუსეტსის ტექნოლოგიების ინსტიტუტის (MIT) პროფესორთან, კვიპროსის ცენტრალური ბანკის ყოფილ პრეზიდენტთან ათანასიოს ორფანიდისთან შეხვედრა გამართა.
შეხვედრის ფარგლებში ნათია თურნავამ ეროვნული ბანკის მონეტარული პოლიტიკის სტრატეგიასა და მიმდინარე მაკროეკონომიკური ტენდენციების შესახებ ისაუბრა.
თავის მხრივ, ათანასიოს ორფანიდისმა მონეტარული პოლიტიკის გაუმჯობესების თვალსაზრისით, საუკეთესო საერთაშორისო პრაქტიკაზე გაამახვილა ყურადღება.
MIT-ის პროფესორმა ნათია თურნავას სხვადასხვა ქვეყნის მაგალითების გათვალისწინებით, მონეტარული პოლიტიკის კუთხით სებ-ის სამომავლო ნაბიჯებთან დაკავშირებით საკუთარი მოსაზრებებიც გაუზიარა.
ეროვნულ ბანკში გამართულ შეხვედრას ასევე ესწრებოდნენ სებ-ის ვიცე-პრეზიდენტი ეკატერინე მიქაბაძე, მაკროეკონომიკისა და სტატისტიკის დეპარტამენტის უფროსი შალვა მხატრიშვილი და საერთაშორისო ურთიერთობების დეპარტამენტის ხელმძღვანელი გიორგი ედილაშვილი.
ინფორმაციას ეროვნული ბანკი ავრცელებს.
დღის ტოპ 10 სიახლე
სხვა სიახლეები
