ლევან კობიაშვილი ახალი სტადიონის მშენებლობაზე: კარგი იქნება, თუ ამ პროცესში UEFA-ს წარმომადგენლებიც ჩაერთვებიან
საქართველოს ფეხბურთის ფედერაციის პრეზიდენტი ლევან კობიაშვილი ახალი სტადიონის მშენებლობასთან დაკავშირებით გამართულ უწყებათაშორისი კომისიის სხდომას დაესწრო.
როგორც კობიაშვილმა შეხვედრის შემდეგ განაცხადა, მას ჰქონდა ინიციატივა, რომ მშენებლობის პროცესში UEFA-ს წარმომადგენლებიც ჩაერთონ.
„სამუშაო შეხვედრა იყო. ვიყავით წარმოდგენილი როგორც ფეხბურთის, ისე რაგბის ფედერაცია, სხვადასხვა უწყებები. ჩემი ინიციატივა იყო, რომ კარგი იქნება, თუ ამ პროცესში UEFA-ს წარმომადგენლებიც ჩაერთვებიან, ვინაიდან მათ ძალიან დიდი გამოცდილება აქვთ. მნიშვნელოვანი ნაბიჯი გადავდგით წინ, ეს პროცესი გაგრძელდება და დარწმუნებული ვარ, მალე დავიწყებთ ამ არაჩვეულებრივი სტადიონის მშენებლობას“, - აღნიშნა კობიაშვილმა.
თბილისში ახალი სტადიონის მშენებლობის ხელშესაწყობად პრემიერ-მინისტრის ხელმძღვანელობით უწყებათაშორისი კომისია იმუშავებს.
დღის ტოპ 10 სიახლე
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
