KABA ირლანდიის ბაზარზე შედის
ტანსაცმლის ქართული ბრენდი KABA ირლანდიის ბაზარზე შედის, - ამის შესახებ Business Insider Georgia-ს კომპანიაში განუცხადეს.
„ძალიან მნიშვნელოვანი სექტემბრის თვე ჰქონდა ქართული ტანსაცმლის ბრენდ KABA-ს , რადგან 3 საერთაშორისო გამოფენაზე ვიყავით წარმოდგენილები. კერძოდ, ესპანეთში momadmadrid-ზე, WHO’S NEXT- ზე პარიზში და TRANOI TOKYO-ზე იაპონიაში.
კომპანია ექსპორტის მიმართულებით აქტიურად განაგრძობს მუშაობას. აღნიშნული გამოფენები ძალიან მნიშვნელოვანია ბრენდისთვის“, - აცხადებს KABA-ს მარკეტინგისა და გაყიდვების მენეჯერი ემა გოგოხია.
მსი ინფორმაციით, კომპანიამ დაამყარა ახალი კონტაქტები როგორც ადგილობრივ სავაჭრო პალატებთან, ასევე ბაიერებთან.
„ გამოფენიდან-გამოფენამდე მატულობს დაინტერესება ქართულ წარმოებასთან მიმართებით. აქტიურ ფაზაშია მოლაპარაკება, რომ საბოლოო საექსპორტო კოლექცია შეირჩეს და გაიგზავნოს ირლანდიაში“, - აცხადებს KABA-ს მარკეტინგისა და გაყიდვების მენეჯერი.
KABA-ს მომხმარებლების 10%-ს უცხოელები შეადგენენ, შესყიდვების 90% საქართველოს მოქალაქეებზე მოდის.
KABA, როგორც ბრენდი 15 წელია ოპერირებს და რამდენჯერმე გაიარა რებრენდინგი. კომპანია, როგორც საოჯახო ბიზნესი 25 წელია არსებობს და 30-ზე მეტ ადამიანს ასაქმებს.
KABA ქართულ ბაზარზე წარმოდგენილია ოთხი მაღაზიით: პეკინის 19-ში, „გალერია თბილისში“ (რამდენიმე დიზაინერთან ერთად) „თბილსი მოლსა“ და „ბათუმი მოლში“. ბრენდი ფლობს საწარმოს, რომელიც თბილისში, აკაკი ბაქრაძის 15 ნომერში მდებარეობს.
დღის ტოპ 10 სიახლე
სხვა სიახლეები
