IPTV-ის აბონენტების 54.2%-ი მაგთიკომზე, ხოლო 36%-ი სილქნეტზე მოდის. 2024 წლის აპრილის მდგომარეობით, IPTV-ის აბონენტების რაოდენობა 650 ათას აბონენტს შეადგინა, გასული წლის აპრილში კი 610 ათასს, ზრდა 5%-ია.

რაც შეეხება IPTV-ის შემოსავლებს აქ წლიური ზრდა 3%-ია. თუ 2024 წლის აპრილის მდგომარეობით შემოსავლები 11 მლნ ლარის დონეზე იყო, 2023 წლის აპრილში ეს მაჩვენებელი 10 მლნ ლარის დონეზეა. 

დღეისათვის IPTV-ის ბაზარზე აბონენტების უდიდეს წილს მაგთიკომი ფლობს - 54.2%.

2024 წლის აპრილის მდგომარეობით IPTV-ის აბონენტების გადანაწილება კომპანიების მიხედვით ასე გამოიყურება:

მაგთიკომი - 54.2%

სილქნეტი - 36%

სხვა - 8%,.

არსებული სტატისტიკური მაჩვენებლებით გაზრდილია მცირე ოპერატორების საბაზრო წილები და
მცირედით შემცირებულია "სილქნეტის" აბონენტების რაოდენობა.

IPTV-იდან მიღებული შემოსავლების 53.5% მაგთიზე მოდის. 

IPTV-ის შემოსავლების გადანაწილება კომპანიების მიხედვით:

მაგთიკომი - 53.5%

სილქნეტი - 39.6%

სხვა - 6.9%.

2024 წლის აპრილში მცირედით გაზრდილია მცირე ოპერატორების შემოსავლები. პროცენტები შესაძლოა 100-მდე არ ჯამდებოდეს მეათედების დამრგვალების გამო.

ტექნოლოგიების მიხედვით მაუწყებლობის გადანაწილებაში IPTV-ის აბონენტების წილი 87.3%-ია, წინა წლის ამავე პერიოდისთვის ეს მაჩვენებელი 86%-ს შეადგენდა.

კომუნიკაციების კომისიის სტატისტიკური მონაცემებით, შემოსავლების გადანაწილების თვალსაზრისით, IPTV-ის წილი 91%-ია, ეს მაჩვენებელი წინა წლის ამავე პერიოდისთვის 90.9%-ს წარმოადგენდა

IPTV - მაუწყებლობის ტრანზიტის ერთ-ერთი ტიპი, რომლის დროსაც სამაუწყებლო სიგნალი ქსელებში გადაიცემა ინტერნეტის პროტოკოლის (IP) გამოყენებით;