ლასტმასის წარმოება გლობალურად  გაიზარდა. შედეგად, სავარაუდოდ, ხუთ ტრილიონზე მეტი პლასტმასის ნაჭერი ახლა ყველა ოკეანის აუზშია. AP Moller - Maersk ჯგუფს (APM Terminals-ის ჩათვლით) აქვს სტრატეგია, რათა თავიდან ავიცილოთ ზედმეტი პლასტმასის გამოყენება ჩვენს ოპერაციებში.

გამოწვევის საპასუხოდ, ეიპიემ  ტერმინალს ფოთი დგამს პროაქტიულ ნაბიჯებს პლასტმასის ნარჩენების შესამცირებლად და კორპორაციული მდგრადობის ხელშეწყობისთვის. 2022 წელს კომპანიამ შეიძინა 1,132,000 ცალი ერთჯერადი ჭიქა და 29,100 ცალი პლასტმასის ბოთლი. ერთჯერადი პლასტმასის წყლის ბოთლებისა და ჭიქების მაღალი და მზარდი მოხმარების გამო, შეიქმნა დაუყოვნებელი რეაგირების ჯგუფი, რათა გაეანალიზებინა და გადაეჭრა მიმდინარე გამოწვევა.

შედეგად, პირველი ქმედება იყო ერთჯერადი პლასტმასის წყლის ბოთლებისა და ჭიქების შეცვლა მრავალჯერადი გამოყენების ლითონის ბოთლებით, რომლებიც შეძენილია თითოეული თანამშრომლისთვის და მათზე  ბრენდირებულია თანამშრომლის სახელი და გვარი. ეს ბოთლები, კომპანიას საშუალებას აძლევს მნიშვნელოვნად შეამციროს ერთჯერადი პლასტმასის გამოყენება კომპანიის შიგნით.

„APM Terminals Poti-ს ეს ნაბიჯი სრულად შეესაბამება კორპორაციული მდგრადობის სტრატეგიას, რაც კლიმატის ცვლილების წინააღმდეგ მოქმედებას გულისხმობს. ამ საკითხების განხილვით კომპანია ხელს უწყობს გლობალურ ძალისხმევას კლიმატის ცვლილების შერბილებისა და პლასტიკით დაბინძურების შესამცირებლად. პლასტიკის ნარჩენების შემცირებისა და მდგრადობის ხელშეწყობას  აქვს არა მხოლოდ მყისიერი დადებითი ეფექტი, არამედ აყალიბებს და ამაღლებს ნარჩენების სწორად მართვის კულტურას. ნარჩენების შემცირების, თანამშრომლების ჩართულობისა და ცნობიერების ამაღლების აქტივობების ერთობლიობა, ამ ინიციატივას კორპორაციული სოციალური პასუხისმგებლობის ჩინებულ მაგალითად აქცევს,” - აცხადებს APM Terminals Poti-ს მმართველი დირექტორი ხულიან ფერნანდესი.

პარალელურად, გუნდი აქტიურად იყო ჩართული კომპანიის თანამშრომლების ცნობიერების ამაღლებაში  სოციალური მედიის არხებით და პირადი კომუნიკაციით, ატარებდა პირად შეხვედრებს ბოთლების დარიგებისას, ხსნიდა მიზნებსა და პირობებს.

,,ამ მრავალჯერადი გამოყენების ბოთლების გავრცელებით, კომპანიამ არა მხოლოდ აჩვენა თავისი მიდგომა პლასტმასის ნარჩენების შემცირებისადმი, არამედ ხელი შეუწყო ქცევის ხელშესახებ ცვლილებას. ახლა თანამშრომლებს აქვთ ერთჯერადი პლასტმასის ბოთლების პრაქტიკული ალტერნატივა, რაც, თავის მხრივ, აძლიერებს პლასტმასის მოხმარების შემცირებას ყოველდღიურად,“ - ამბობს APM Terminals Poti-ს კომერციული დირექტორი იენ როლინსონი.

ინიციატივის განხორციელება ხელს უწყობს მდგრად შესყიდვებს. ინიციატივის ფარგლებში მიღებულია გადაწყვეტილება, რომ კომპანია არ შეიძენს პლასტმასის ჭიქებს კომპანიის ღონისძიებების, შეხვედრებისა და სხვა აქტივობებისთვის. ეს მიდგომა პასუხობს  ერთჯერადი გამოყენების პლასტმასთან დაკავშირებულ გარემოსდაცვით პრობლემებს და ხელს უწყობს ჩვენი ორგანიზაციის პასუხისმგებლიან მიდგომას გარემოსდაცვითი გამოწვევების საპასუხოდ.