მთავარიბიზნესიეკონომიკათეგეტა ბიზნესი
ტურიზმიფინანსებიჯანდაცვასპორტი
ყველა სიახლეტექნოლოგიებიმსოფლიოპოლიტიკა
ფინანსური განათლებასტარტაპებიWEEKENDბიზნეს მრჩეველი
საზოგადოებაკიბერუსაფრთხოებავიდეომოსაზრება
პერსონალური ფინანსებიპოდკასტებიედიტორიალიბიზნეს ინთელიჯენსი
ბიზნეს მრჩეველიშაინენერჯიAversi Pharma
flag
AMD 7061.8
-0.0095
flag
AZN 1.6025
-0.0005
flag
CNY 37.987
0.0063
flag
EUR 3.1599
0.0345
flag
GBP 3.7079
0.06
flag
KZT 52.57
0.0038
flag
TRY 0.0687
0.0001
flag
USD 2.7252
-0.0008

ანაკლიის პორტში პირველი გემების მიღება 2029 წლიდან იგეგმება

news image

ანაკლიის ღრმაწყლოვანი ნავსადგურის საზღვაო ინფრასტრუქტურის სამშენებლო სამუშაოებს ბელგიური კომპანია Jan De Nul (იან დე ნულ) განახორციელებს, - აღნიშნულ საკითხზე პირველმა ვიცე-პრემიერმა, ეკონომიკისა და მდგრადი განვითარების მინისტრმა მთავრობის ადმინისტრაციაში გამართულ ბრიფინგზე დეტალურად ისაუბრა.

ლევან დავითაშვილის ინფორმაციით, საერთაშორისო ტენდერში გამარჯვებული კომპანია ე.წ. დიდი ოთხეულიდან ერთ-ერთია და ის სწორედ საზღვაო-სამშენებლო სამუშაოებზეა სპეციალიზებული. 

„დავასრულეთ პორტის სამშენებლო კომპანიის შერჩევის პროცესი. კომპანია „იან დე ნულ“ -ს ჰყავს მსოფლიოში უდიდესი სპეციფიკური ფლოტი, რომელიც გამოყენებულ იქნება პორტის სამშენებლო სამუშაო სამუშაოებში, ეს იქნება როგორც ფსკერდაღრმავება, ისე შესაბამისი ტალღისმჭრელის/ტალღმტეხელის მოწყობა. ეს არის ძირითადი, უნივერსალური საზღვაო ინფრასტრუქტურა, რომელიც პორტის შემდგომში განვითარების, სხვადასხვა კონფიგურაციის შემთხვევაში იქნება გამოსადეგი. ამიტომ ჩვენ აგვისტოს თვის განმავლობაში კომპანიასთან ვიმუშავებთ ხელშეკრულებაზე - ვფიქრობ, ამას დასჭირდება რამდენიმე კვირა იმისთვის, რომ უკვე სექტემბრიდან ანაკლიის ტერიტორიაზე აქტიური სამშენებლო სამუშაოები ვიხილოთ“, - განაცხადა ეკონომიკის მინისტრმა.

ეკონომიკისა და მდგრადი განვითარების სამინისტროს ცნობით, ბელგიური კომპანია „იან დე ნული“ 1938 წელს დაფუძნდა, მისი ბრუნვა 2,5 მლრდ ევროს შეადგენს და დასაქმებული ჰყავს 7000-ზე მეტი ადამიანი. კომპანიას საერთაშორისო მასშტაბის საზღვაო ინფრასტრუქტურულ პროექტებზე მუშაობის დიდი გამოცდილება აქვს - მათ შორის, აქტიურად იყო ჩართული პანამის არხის გაფართოების პროექტში. გარდა ამისა, განახორციელა ან ახორციელებს პროექტებს მსოფლიოს სხვადასხვა რეგიონებში, მათ შორის, ევროპაში, გალფის ყურესა და აფრიკაში.

პირველი ვიცე-პრემიერის შეფასებით, კომპანია „იან დე ნულ“-თან თანამშრომლობა საქართველოს მთავრობას საშუალებას მისცემს, რომ დათქმულ ვადებში ექსპლუატაციაში მიიღოს ანაკლიის პორტში პირველი საკონტეინერო მზიდი გემები 2029 წლიდან, რაც მნიშვნელოვანი ხელშემწყობი ფაქტორი ევროპისა და აზიის დამაკავშირებელი „შუა დერეფნის“ განვითარების თვალსაზრისით. 

„ეს მოგვცემს საშუალებას, რომ ჩვენი საპორტო ინფრასტრუქტურა კიდევ უფრო განვავითაროთ, ხელი შევუწყოთ შუა დერეფნის ინფრასტრუქტურულ გაუმჯობესებას, კონკურენტუნარიანობის ზრდას. რა თქმა უნდა, ეს საქართველოს და შუა დერეფნის მარშრუტს კიდევ უფრო მიმზიდველს გახდის“, - აღნიშნა ლევან დავითაშვილმა.

 

news banner
ავტორი
LIVE

დღის ტოპ 10 სიახლე











სხვა სიახლეები

ყველა სიახლე
image

საქართველოს ეკონომიკური ფორუმი

Powered by Business Insider Georgia

ვრცლად
economic forum

სიახლეების გამოწერა