2024 წელს უმუშევრობა 15.9%-ის დონეზეა მოსალოდნელი - Galt & Taggart
Galt & Taggart- 2024 წელს საქართველოში უმუშევრობის დონის შემცირებას პროგნოზირებს.
„ჯამურად, 2023 წელს უმუშევრობის დონე წლიურად 0.9 პროცენტული პუნქტით 16.4%-მდე შემცირდა. ჩვენი პროგნოზით, უმუშევრობის დონის შემცირება გაგრძელდება და 15.9%-ის დონეზეა მოსალოდნელი 2024 წელს“, - ნათქვამია Galt & Taggart-ის მიმოხილვაში.
საქსტატის მონაცემებით, 2023 წლის მე-4 კვარტალში უმუშევრობის დონე 15.3%-მდე შემცირდა წინა კვარტალში დაფიქსირებული 15.6%-ის შემდეგ.
ეს შემცირება ძირითადად მაღალი ეკონომიკური აქტივობით იხსნება. აღნიშნულ პერიოდში დაქირავებით დასაქმებულთა რაოდენობა წინა კვარტალთან შედარებით 1.6%-ით გაიზარდა (+8.4% წ/წ) და მთლიანი დასაქმების 69.8% შეადგინა, ხოლო თვითდასაქმებულები კვარტალურად 2.1%-ით შემცირდა (-1.6% წ/წ).
აღსანიშნავია, რომ სამუშაო ძალის მონაწილეობის დონე კვლავ გაუმჯობესდა და 2023 წლის მე-4 კვარტალში 54.3% შეადგინა, რაც გაზრდილია წინა კვარტლის 53.6%-დან და აღემატება ასევე პამდემიამდელ დონეს.
დღის ტოპ 10 სიახლე
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
