ვენესუელის რეჟიმს ვეუბნებით - თქვენ გაქვთ ნავთობის გაყიდვის უფლება მანამ, სანამ ამერიკის ეროვნულ ინტერესებს ემსახურებით | ჯეი დი ვენსი
აშშ-ის ვიცე-პრეზიდენტმა, ჯეი დი ვენსმა განაცხადა, რომ აშშ ვენესუელაზე კონტროლს „ფინანსური ბერკეტების“ მეშვეობით ახორციელებს და ქვეყანას საკუთარი ნავთობის გაყიდვის უფლება ეძლევა მანამ, სანამ „თქვენ ამერიკის ეროვნულ ინტერესებს ემსახურებით“.
„ვენესუელას ჩვენ იმით ვაკონტროლებთ, რომ ფინანსურ ბერკეტებს ვფლობთ. ჩვენ ვაკონტროლებთ ენერგორესურსებს და რეჟიმს ვეუბნებით: „თქვენ გაქვთ ნავთობის გაყიდვის უფლება მანამ, სანამ ამერიკის ეროვნულ ინტერესებს ემსახურებით. თქვენ არ გაქვთ მისი გაყიდვის უფლება, თუკი ამერიკის ეროვნულ ინტერესებს არ ემსახურებით“, - აღნიშნა აშშ-ის ვიცე-პრეზიდენტმა.
„და სწორედ ასე ვახორციელებთ უდიდეს ზეწოლას ამ ქვეყანაზე — ისე, რომ არ ვწირავთ არცერთი ამერიკელის სიცოცხლეს და საფრთხეს არ ვუქმნით ამერიკის არცერთ მოქალაქეს“, - დასძინა მან.
დღის ტოპ 10 სიახლე
Best Discovery-საქართველო m&i Transatlantic Vienna 2026-ის საქმიანი ტურიზმის ფორუმის გამარჯვებულია
სხვა სიახლეები
თქვენი თავისუფლების ჟამი ახლოვდება - ტრამპი ირანელ ხალხს
28.02.2026.15:10
აშშ-ის პრეზიდენტმა, დონალდ ტრამპმა თავის გამოსვლაში ირანელ ხალხს მიმართა და აღნიშნა, რომ მათი თავისუფლების ჟამი ახლოვდება.
„ირანის დიდებულ და ამაყ ხალხს დღეს საღამოს ვეტყვი, რომ თქვენი თავისუფლების ჟამი ახლოვდება. დარჩით თავშესაფარში. სახლები არ დატოვოთ. გარეთ ძალიან საშიშია. ბომბები ყველგან დაეცემა. როცა ჩვენ დავასრულებთ, აიღეთ ხელში მმართველობა. ის თქვენი იქნება. შესაძლოა, ეს იყოს ერთადერთი შანსი“, - განაცხადა ტრამპმა.
როგორც თეთრი სახლის ლიდერმა განმარტა, მრავალი წლის განმავლობაში ირანელი ხალხი ამერიკის დახმარებას ითხოვდა, მაგრამ არავინ ეხმარებოდა მათ.
„მრავალი წლის განმავლობაში თქვენ ითხოვდით ამერიკის დახმარებას, მაგრამ არასდროს გქონიათ ის. მაშ, ვნახოთ, როგორ უპასუხებთ ამას. ამერიკა დიდი ძალითა და სიძლიერით გიჭერთ მხარს. ახლა დროა აიღოთ ხელში საკუთარი ბედი და აღმოაჩინოთ აყვავებული და დიდებული მომავალი, რომელიც ძალიან ახლოსაა. მოქმედების დროა. არ გაუშვათ ხელიდან“, - თქვა მან.
ცნობისთვის, დღეს დილით ისრაელმა და აშშ-მა ირანის წინააღმდეგ სამხედრო ოპერაცია დაიწყეს. აფეთქებების ხმა ისმის თეირანში და ირანის სხვა მსხვილ ქალაქებში.
