თურქული ელექტრომობილი Togg ევროპულ ბაზარზე შედის
თურქული წარმოების ელექტრომობილი Togg ევროპის ბაზარზე შედის. Togg-ი გასაყიდად პირველად გერმანიის ბაზარზე 2025 წლიდან გამოჩნდება. აღნიშნულის შესახებ განცხადება თურქეთის მრეწველობისა და ტექნოლოგიების მინისტრმა ფატიჰ ქაჯირმა გააკეთა.
„ახლა ჩვენ ვართ ახალი ბრენდის დაბადების მოწმენი, რომელიც მთელი ინდუსტრიის ტრანსფორმაციის ძრავაა. Togg-ი გერმანიაში გაყიდვაში 2025 წლის დასაწყისიდან ჩაეშვება და ამით შევა ევროპულ ბაზარზე“, - განაცხადა მინისტრმა. მისი თქმით, ამჟამად თურქეთის გზებზე 30 000-მდე Togg-ის ელექტრომობილი მოძრაობს.
ქაჯირმა აღნიშნა, რომ ინჟინრები ელექტრომობილისა და მისი პროგრამული უზრუნველყოფის გაუმჯობესებაზე მუშაობას აგრძელებენ. მინისტრის თქმით, „ავტონომიური მართვისა და ხელოვნური ინტელექტის სფეროში Togg-ის შესაძლებლობების გაუმჯობესება“ იგეგმება.
ამჟამად თურქეთში გაყიდვაში ხელმისაწვდომია ელექტროკროსოვერი Togg T10X. იანვარში თურქეთმა ლას-ვეგასში Togg-ის ახალი მოდელი T10F წარადგინა, რომელიც თურქეთში გაყიდვაში 2025 წელს ჩაეშვება.
ელექტრომობილი Togg T10X-ის პრეზენტაცია მწარმოებელ ქვეყანაში 2019 წელს შედგა, ხოლო მისი აწყობა ბურსას პროვინციაში ხდება. Togg გაყიდვაში თურქეთში 2023 წლის მარტში გამოვიდა. ქვეყნის ხელისუფლებამ ადრე გამოაცხადა, რომ გეგმავს ამ ვერსიის დაახლოებით მილიონი ელექტრომობილის წარმოებას შვიდი წლის განმავლობაში. თურქეთმა ასევე არაერთხელ განაცხადა, რომ დროთა განმავლობაში აპირებს Togg გლობალურ ბრენდად აქციოს.
სხვა სიახლეები
აშშ-სა და ჩინეთს შორის სავაჭრო შეთანხმების მისაღწევად მოლაპარაკებები დღეს განახლდება
28.07.2025.14:13
ამერიკის შეერთებულ შტატებსა და ჩინეთს შორის სავაჭრო დავის გადაწყვეტის მიზნით, მოლაპარაკებები დღეს სტოკჰოლმში განახლდება. ერთმანეთს ორი ქვეყნის ეკონომიკის მაღალჩინოსნები შეხვდებიან.
Financial Times-ის ცნობით, ამერიკული დელეგაციის წევრები ტრამპის ადმინისტრაციამ გააფრთხილა, რომ პეკინის წინააღმდეგ მკაცრი ნაბიჯებისგან თავი შეიკავონ, რათა ზიანი არ მიაყენონ მოლაპარაკების პროცესს. გამოცემის ინფორმაციით, შეერთებულმა შტატებმა სავაჭრო მოლაპარაკებების ხელშეწყობის მიზნით, ჩინეთიდან ტექნოლოგიის ექსპორტზე შეზღუდვები შეაჩერა.
ADB-ის ცენტრალური და დასავლეთ აზიის დეპარტამენტის გენერალურ დირექტორად ლეა გუტიერესი დაინიშნა
28.07.2025.10:01
ამით ჩვენ ვეუბნებით ქვეყნებს, რომ მივცემთ პრივილეგიას, იყიდონ და იმუშაონ ჩვენს ქვეყანაში და ვფიქრობ, ეს ძალიან კარგია - დონალდ ტრამპი ტარიფებზე
14.07.2025.17:18
მეცნიერების შეფასებით, ევროპაში სიცხის ტალღამ დაახლოებით 2 300 ადამიანის სიცოცხლე იმსხვერპლა
09.07.2025.12:03
ნათია თურნავა საერთაშორისო სავალუტო ფონდისა (IMF) და მსოფლიო ბანკის (WB) წევრი ქვეყნების ჯგუფის შეხვედრის გახსნის ოფიციალურ სესიას დაესწრო
04.07.2025.12:48
ნათია თურნავამ შვეიცარიაში საერთაშორისო ანგარიშსწორების ბანკის ყოველწლიურ შეხვედრაში მიიღო მონაწილეობა
02.07.2025.14:14
