ტრამპმა Tesla-ს ავტომობილი შეიძინა და ილონ მასკისადმი მხარდაჭერა გამოხატა
აშშ-ის პრეზიდენტმა, დონალდ ტრამპმა „ტესლას“ მოდელის ავტომობილი შეიძინა და ამით კომპანია SpaceX-ისა და „ტესლას“ დამფუძნებლის, ილონ მასკისადმი მხარდაჭერა გამოხატა.
თეთრი სახლის ლიდერის თქმით, ბოლო დროს, მთავრობის კორუფციული საქმიანობის გამოაშკარავების მიმართულებით საქმიანობის გამო, ილონ მასკი და მისი კომპანია თავდასხმების სამიზნედ იქცა.
მასკის საქმიანობის გასაპროტესტებლად ბოლო დღეებში „ტესლას“ შოურუმებს შტატებში მოლოტოვის კოქტეილები დაუშინეს, დაწვეს ელექტრომობილები და მათი დამტენი სადგურები.
„ვყიდულობ „ტესლას“ პირველ რიგში იმიტომ, რომ კარგი პროდუქტია, ასევე იმიტომ, რომ ამ ადამიანმა ბევრი ენერგია და სიცოცხლე ჩადო ამ საქმეში და ვფიქრობ, ძალიან უსამართლოდ ექცევა მას ადამიანთა მცირე ჯგუფი. ის დიდი პატრიოტია და არ შეიძლება პატრიოტიზმის გამო ისჯებოდე. მან ჩვენ მთავრობაში მილიარდობით დოლარის თაღლითობა და გაფლანგვა გამოავლინა და მისი და ჩემი საქმიანობის დამსახურებით ამერიკა მალე ძალიან ძლიერი იქნება. ბოლო დღეებში რაც ვიხილეთ< დაუჯერებელია. ხალხს მოსწონს „ტესლას“ პროდუქტი, თუმცა მასკს სჯიან იმის გამო, რომ ჩვენი ქვეყნის საწინააღმდეგო საქმიანობები გამოააშკარავა. ეს დიდი უსამართლობაა. ამიტომაც ვყიდულობ ამ ავტომობილს, თუმცა მოგეხსენებათ მე არ მაქვს მანქანის ტარების უფლება. მას თეთრი სახლის პერსონალი გამოიყენებს“, - განაცხადა ტრამპმა.
სხვა სიახლეები
ეკონომიკური ზეწოლა ირანის წინააღმდეგ შეერთებული შტატების ყველაზე ეფექტური იარაღია - ჯეი დი ვენსი
21.08.2026.10:04
აშშ-ის ვიცე-პრეზიდენტმა, ჯეი დი ვენსმა ხუთშაბათს განაცხადა, რომ ეკონომიკური ზეწოლა ირანის წინააღმდეგ შეერთებული შტატების „ყველაზე ეფექტური იარაღია“, თუმცა აღნიშნა, რომ ეს „ფაქიზი საკითხია“.
„ყველაზე ეფექტური იარაღი, რაც გვაქვს, ის ეკონომიკური ზეწოლაა, რომელიც შეგვიძლია მათზე განვახორციელოთ. ეს ფაქიზი საკითხია, რადგან როდესაც ჩვენ მათზე ვახდენთ ეკონომიკურ ზეწოლას, ისინიც შეეცდებიან საპასუხო ეკონომიკური ზეწოლა ჩვენზე განახორციელონ“, - განაცხადა ვენსმა.
ვენსმა აღიარა, რომ „ცხადია, ნავთობის ფასები გაზრდილია, რასაც ხალხი ავტოგასამართ სადგურებზე ხედავს“, თუმცა ხაზი გაუსვა ადმინისტრაციის ძალისხმევას, უზრუნველყოს გემების გატარება ჰორმუზის სრუტეში.
„ისინი სრუტის ჩაკეტვას ცდილობენ. ჩვენი მიზანია ბაზარზე იმ რაოდენობის ნავთობისა და საწვავის გატანა შევძლოთ, რაც ამერიკელებს საწვავსა და ენერგომატარებლებზე ფასებს ოდნავ მაინც შეუმსუბუქებს“, - დასძინა ვენსმა.
„ამავდროულად, ირანელები ისჯებიან კომერციულ გემებზე ცეცხლის გახსნის გამო. ეს მათზე უდიდეს ეკონომიკურ ზეწოლას ახდენს და ცვლის მათ გათვლებს იმასთან დაკავშირებით, თუ როგორი შეთანხმების მიღწევა სურთ“, - აღნიშნა მან.
ვენსის თქმით, ამგვარი ზეწოლის განხორციელება საუკეთესო გზაა „საბოლოო მიზნის“ მისაღწევად, რათა ირანმა ვერ შეძლოს თავისი ბირთვული პოტენციალის აღდგენა.
უზბეკეთს მსოფლიოში საერთაშორისო რეზერვებში ოქროს ყველაზე მაღალი წილი აქვს - Fitch Ratings
21.08.2026.09:12
ოქროს რეზერვების ზრდა კავკასიისა და ცენტრალური აზიის ქვეყნების საგარეო ბუფერებს აძლიერებს, თუმცა კონცენტრაციის რისკს ზრდის - Fitch Ratings
21.08.2026.09:03
ბოლო შვიდი წლის განმავლობაში ყაზახეთმა სატრანსპორტო ინფრასტრუქტურის განვითარებაში დაახლოებით $35 მილიარდის ინვესტიცია განახორციელა
21.08.2026.08:40
ყაზახეთმა ტრანსკასპიური საერთაშორისო სატრანსპორტო მარშრუტის გაძლიერების მიზნით ბეინეუ - საქსაულსკის საავტომობილო გზის მშენებლობა დაიწყო
21.08.2026.08:37
