რომის პაპ ფრანცისკეს დღეს დაკრძალავენ
რომის პაპ ფრანცისკეს დღეს დაკრძალავენ. რომის პაპის მიერ დაწერილი ანდერძის თანახმად, მას რომის სანტა-მარია-მაჯორეს ბაზილიკაში დაკრძალავენ, და არა ვატიკანის წმინდა პეტრეს ბაზილიკაში.
იტალიის მთავრობამ რომის პაპის ფრანცისკეს გარდაცვალების გამო ქვეყანაში ხუთდღიანი გლოვა გამოაცხადა - გლოვის დღეები 26 აპრილის ჩათვლით გაგრძელდება.
რომის პაპის დაკრძალვის ცერემონიალისთვის მზადების გამო იტალიის დედაქალაქის თავზე ფრენა აიკრძალა. მიღებულია უსაფრთხოების განსაკუთრებული ზომები.
რომში 150-ზე მეტი საერთაშორისო დელეგაციის ჩასვლა იგეგმება. პაპის დაკრძალვას მსოფლიო ლიდერები, მათ შორის საფრანგეთისა და აშშ-ის პრეზიდენტები დაესწრებიან. დონალდ ტრამპმა კი სოციალურ ქსელში თავად დაწერა, რომ დაკრძალვის ცერემონიას მეუღლესთან ერთად დაესწრება.
ასევე ვრცელდებოდა ინფორმაცია დაკრძალვის ცერემონიაზე უკრაინის პრეზიდენტის ვოლოდიმირ ზელენსკის შესაძლო დასწრების შესახებ, თუმცა, გუშინ გავრცელებული ცნობით, შესაძლოა, ზელენსკი დაკრძალვას ვერ დაესწროს.
რომის პაპი ფრანცისკე 21 აპრილს 88 წლის ასაკში გარდაიცვალა. ოფიციალური ვატიკანის ინფორმაციით, პაპი ფრანცისკე ცერებრალური ინსულტისა და შემდგომი გულის უკმარისობის შედეგად გარდაიცვალა. ოფიციალური ინფორმაციით, რომის პაპმა ასევე განიცადა სუნთქვის უკმარისობის ეპიზოდები, მას ორმხრივი პნევმონია ჰქონდა, ასევე ტიპი 2 დიაბეტი და ჰიპერტენზია.
დღის ტოპ 10 სიახლე
სხვა სიახლეები
Samsung Group-ი სამხრეთ კორეაში $90 მილიარდის ინვესტირებას გეგმავს
07.07.2026.18:00
Samsung Group-მა წარადგინა სამხრეთ კორეის ცენტრალურ პროვინციაში დაახლოებით 90 მილიარდი აშშ დოლარის ინვესტიციის დეტალური გეგმა, რომელიც მოიცავს დისპლეის პანელების, ბატარეების, ნახევარგამტარების (ჩიპების) და ჩიპებისთვის საჭირო მასალების წარმოებას.
აღნიშნული ინვესტიციები წარმოადგენს Samsung Group-ის უფრო ფართო საინვესტიციო სტრატეგიის ნაწილს, რომელიც კომპანიამ ორშაბათს წარადგინა. დამატებითი დეტალები ხუთშაბათს გახდება ცნობილი.
ამასთან, Samsung Electro-Mechanics ხელოვნური ინტელექტის (AI) მიმართულებითაც გეგმავს ინვესტირებას.
ხელოვნური ინტელექტისკენ მიმართული ინვესტიციების ზრდის ფონზე კომპანიები სამუშაო ადგილებს ამცირებენ - როგორია ტენდენცია
07.07.2026.11:00
Emirates-მა ახალი ლუქს-ლაუნჯის დიზაინი წარადგინა, რომლის ინვესტიცია თითოეულ აეროპორტში დაახლოებით $13.6 მილიონი იქნება
03.07.2026.19:00
ელექტროენერგიის ფასების ზრდის ფონზე, ფილიპინები მზის ენერგიაზე გადასვლის ტემპით მსოფლიოში ლიდერობს
03.07.2026.17:00
BMW-მ აშშ-ის საწარმოებში ელექტრომობილების წარმოებისთვის $1.7 მილიარდის ინვესტიციის განხორციელება დაასრულა
03.07.2026.13:00
სომხეთმა ტურიზმის სტიმულირების მიზნით არაბთა გაერთიანებული საამიროებთან და გალფის ქვეყნებთან სავიზო შეღავათის პერიოდი გაახანგრძლივა
03.07.2026.09:00
აზიის განვითარების ბანკმა პრეზიდენტის არჩევის პროცესი დაიწყო - წარდგენილია მასატო კანდას კანდიდატურა
02.07.2026.09:52
