ქართული ღვინის წარდგენა აშშ-ში, ფესტივალზე „Food and Wine Classic Aspen 2025” გაიმართა
ღვინის ეროვნული სააგენტოს მხარდაჭერითა და სააგენტოს კონტრაქტორი ამერიკული მარკეტინგული კომპანიის „Colangelo & Partners” ორგანიზებით, ქართული ღვინის წარდგენა აშშ-ში, კოლორადოს შტატში, ქალაქ ასპენში ყოველწლიურ ფესტივალზე „Food and Wine Classic Aspen 2025” გაიმართა. ფესტივალზე წარმოდგენილი იყო სხვადასხვა დასახელების 200-მდე ალკოჰოლური სასმელი.
რიგით 42-ე ფესტივალის ათასობით სტუმარს, სამი დღის განმავლობაში, შესაძლებლობა მიეცა 20 სახეობის ქართული ღვინო დაეგემოვნებინა.
ფესტივალის ფარგლებში გაიმართა ქართული ღვინის პროფესიული სემინარი და დეგუსტაცია, რომელსაც კომერციული სექტორის წარმომადგენლები და მომხმარებლები ესწრებოდნენ. მსგავსი ტიპის ღონისძიებები მნიშვნელოვანია ქართული ღვინის პოპულარიზაციისა და შემდგომში მასზე მოთხოვნის ზრდისთვის.
აშშ-ში ქართული ღვინის მარკეტინგულ კამპანიას ღვინის ეროვნულ სააგენტო უმსხვილეს ამერიკულ მარკეტინგულ კომპანიასთან „Colangelo&Partners” თანამშრომლობით ახორციელებს. კამპანიის ფარგლებში, აშშ-ის სხვადასხვა ქალაქში, ღვინის პროფესიონალებისა და ღვინით ვაჭრობის სფეროს წარმომადგენლებისთვის დეგუსტაცია-სემინარები იმართება; ქართული ღვინო წარმოდგენილია საერთაშორისო გამოფენებზე; მედიის, სომელიეებისა და გაყიდვების სფეროს წარმომადგენლებისთვის ეწყობა ღვინის ტურები საქართველოში, რაც ხელს უწყობს ქართული ღვინის უკეთ გაცნობასა და პოპულარიზაციას ამერიკულ ბაზარზე.
დღის ტოპ 10 სიახლე
სხვა სიახლეები
Nvidia-ს საბაზრო კაპიტალიზაციამ $4 ტრილიონს გადააჭარბა
11.07.2025.05:39
Nvidia-ს საბაზრო კაპიტალიზაციამ $4 ტრილიონს გადააჭარბა. კომპანია Nvidia-ს (NVDA.O) საბაზრო ღირებულებამ ხუთშაბათს პირველად დაასრულა სავაჭრო სესია $4 ტრილიონზე მაღალ ნიშნულზე, რაც კიდევ უფრო ამყარებს ჩიპების მწარმოებლის ლიდერ პოზიციას ხელოვნური ინტელექტის ტექნოლოგიების ათვისების გლობალურ კონკურენციაში.
Nvidia-ს აქციები 0.75%-ით გაიზარდა და $164.10-ზე დაიხურა, რის შედეგადაც კომპანიის საბაზრო კაპიტალიზაციამ $4.004 ტრილიონს მიაღწია. ეს მაჩვენებელი აძლიერებს მის უპირატესობას Apple-ისა და Microsoft-ის მიმართ.
ცნობისთვის, Nvidia-მ პირველად მიაღწია $1 ტრილიონიან საბაზრო კაპიტალიზაციას 2023 წლის ივნისში.
მეცნიერების შეფასებით, ევროპაში სიცხის ტალღამ დაახლოებით 2 300 ადამიანის სიცოცხლე იმსხვერპლა
09.07.2025.12:03
ნათია თურნავა საერთაშორისო სავალუტო ფონდისა (IMF) და მსოფლიო ბანკის (WB) წევრი ქვეყნების ჯგუფის შეხვედრის გახსნის ოფიციალურ სესიას დაესწრო
04.07.2025.12:48
ნათია თურნავამ შვეიცარიაში საერთაშორისო ანგარიშსწორების ბანკის ყოველწლიურ შეხვედრაში მიიღო მონაწილეობა
02.07.2025.14:14
ეკატერინე მიქაბაძემ სსფ-ის შესაძლებლობების განვითარების რეგიონული ცენტრის სამუშაო შეხვედრაში მიიღო მონაწილეობა
02.07.2025.12:04
