Porsche-მ 2025 წელს ბაზარს 279 449 ავტომობილი მიაწოდა
Porsche-მ 2025 წელს ბაზარს 279 449 ავტომობილი მიაწოდა - აღნიშნულის შესახებ ინფორმაციას კომპანია ოფიციალურ ვებ გვერდზე აქვეყნებს.
ინდივიდუალური ბაზრების მიხედვით დაბალანსებული გაყიდვების სტრუქტურის პირობებში, Porsche-მ 2025 წელს მსოფლიოს მასშტაბით მომხმარებლებს სულ 279 449 ავტომობილი მიაწოდა. წინა წელს ეს მაჩვენებელი 310 718-ს შეადგენდა, რაც თავის მხრივ 2025 წლის ჭრილში მაჩვენებლის 10 პროცენტიან შემცირებას ნიშნავს.
„რამდენიმე რეკორდული წლის შემდეგ, 2025 წელს ჩვენი მიწოდებები წინა წლის დონეზე ნაკლები იყო. ეს განვითარება სრულად შეესაბამება ჩვენს მოლოდინებს და განპირობებულია 718-ისა და Macan-ის მიწოდების ხარვეზებით, ჩინეთში ექსკლუზიურ პროდუქტებზე მოთხოვნის კვლავ შედარებით სუსტი ნიშნებით, ასევე ჩვენი ღირებულებაზე ორიენტირებული მიწოდების მართვის პოლიტიკით,“ - აცხადებენ კომპანიაში.
კომპანიის ინფორმაციით, 2025 წლის ბოლოს Cayenne Electric-ის წარდგენაზე მიღებული გამოხმაურება ადასტურებს, რომ Porsche მომხმარებელთა მოლოდინებს სრულად პასუხობს ინოვაციური და მაღალი წარმადობის მქონე პროდუქტებით.
ცნობისთვის, 2025 წელს 84,328 მიწოდებით Macan ყველაზე გაყიდვადი მოდელი გახდა.
დღის ტოპ 10 სიახლე
სხვა სიახლეები
თურქეთის თავდაცვის სამინისტრო ირანიდან გაშვებული ბალისტიკური რაკეტის ჩამოგდების შესახებ იუწყება
04.03.2026.16:30
თურქეთის ჰაერსაწინააღმდეგო სისტემამ, ნატოს დახმარებით, ირანიდან გაშვებული ბალისტიკური რაკეტა ჩამოაგდო. ინფორმაციას თურქეთის თავდაცვის სამინისტრო ავრცელებს.
„თურქეთის ჰაერსაწინააღმდეგო და ხმელთაშუა ზღვის აღმოსავლეთ ნაწილში განლაგებულმა ნატოს რაკეტსაწინააღმდეგო ქვედანაყოფებმა დროულად აღმოაჩინეს და ჩამოაგდეს ბალისტიკური რაკეტა, რომელიც ირანიდან იყო გაშვებული, გადაკვეთა ერაყისა და სირიის საჰაერო სივრცე და თურქეთის საჰაერო სივრცისკენ მიემართებოდა“, - აღნიშნულია თურქეთის თავდაცვის უწყების მიერ გავრცელებულ განცხადებაში.
ირანული რაკეტის ფრაგმენტი ჰათაის პროვინციის დორთიოლის რაიონში ჩამოვარდა. ინციდენტის შედეგად არავინ დაშავებულა.
„ვაფრთხილებთ ყველა მხარეს, თავი შეიკავონ ისეთი ქმედებებისგან, რომლებმაც, შესაძლოა, რეგიონში კონფლიქტის განშლა გამოიწვიოს. ამ კონტექსტში ნატოსა და სხვა მოკავშირეებთან კონსულტაციებს გავაგრძელებთ“, - დასძინეს თურქეთის თავდაცვის სამინისტროში.
