ნინო ჯელაძემ IMF-ის საუდის არაბეთის რეგიონული ოფისის მხარდაჭერით გამართულ ყოველწლიურ ფორუმში მიიღო მონაწილეობა
საქართველოს ეროვნული ბანკის ვიცე-პრეზიდენტმა ნინო ჯელაძემ, IMF-ის საუდის არაბეთის რეგიონული ოფისის მხარდაჭერით ორგანიზებულ ყოველწლიურ ფორუმში მიიღო მონაწილეობა.
შეხვედრის მონაწილეებმა განიხილეს ცენტრალური ბანკების მმართველობის საუკეთესო პრაქტიკა, განსაკუთრებული ყურადღება გამახვილდა მმართველობის და ინსტიტუციურ ჩარჩოებზე, ხაზი გაესვა გამჭვირვალობისა და ანგარიშვალდებულების საკითხების მნიშვნელობას.
ფორუმის ერთ-ერთი მთავარი განსახილველი საკითხი ფინანსური სისტემების ციფრულ ტრანსფორმაციასთან დაკავშირებული თემები იყო.
ნინო ჯელაძემ ასევე მონაწილეობა მიიღო დისკუსიაში, სადაც ფორუმის მონაწილეებმა, გლობალური ფინანსური არასტაბილურობის ფონზე, ეფექტური რისკის მართვის ჩარჩოების საჭიროება მიმოიხილეს.
ეროვნული ბანკის ვიცე-პრეზიდენტმა აღნიშნა, რომ ცენტრალური ბანკებს გადამწყვეტი როლი აქვთ ეკონომიკური მდგრადობის ხელშეწყობაში და ხაზი გაუსვა გლობალური ფინანსური გამოწვევების საპასუხოდ, ცენტრალურ ბანკებს შორის ინსტიტუციური დიალოგისა და თანამშრომლობის აუცილებლობას.
IMF-ის საუდის არაბეთის რეგიონული ოფისის მხარდაჭერით, საუდის არაბეთის დედაქალაქ ერ-რიადში გამართულ ცენტრალური ბანკების მეცხრე უმაღლესი დონის ფორუმში, მონაწილეობდნენ მსოფლიოს სხვადასხვა ქვეყნის ცენტრალური ბანკების მმართველები. ფორუმი მიზნად ისახავდა ცენტრალური ბანკების წინაშე არსებული ახალი გამოწვევების მიმოხილვასა და მათი როლის განსაზღვრას თანამედროვე ეკონომიკურ რეალობაში.
დღის ტოპ 10 სიახლე
სხვა სიახლეები
ერდოღანსა და ტრამპს შორის სატელეფონო საუბარი შედგა
18.08.2026.15:22
თურქეთის ლიდერი, ამერიკის პრეზიდენტს დონალდ ტრამპს ტელეფონით ესაუბრა. რეჯეფ თაიფ ერდოღანის ადმინისტრაციის ცნობით, ერდოღანმა ტრამპს ირანთან სამშვიდობო დიალოგის გაგრძელებისკენ მოუწოდა.
ლიდერებს შორის სატელეფონო საუბარი ასევე შეეხო ორ ქვეყანას შორის ურთიერთობებს, ღაზის სექტორში სამშვიდობო პროცესსა და უკვე მიღწეული შეთანხმებების განხორციელებას.
ევროკომისიამ AliExpress-ი ციფრული სერვისების აქტის დარღვევისთვის €550 მილიონით დააჯარიმა
27.07.2026.08:50
ევროკავშირი ევროპული ბანკების მასშტაბის ზრდისა და აშშ-ის ბანკებთან კონკურენტუნარიანობის ასამაღლებლად ახალ ზომებს ამზადებს
20.07.2026.17:00
აშშ-ში ნავთობგადამამუშავებელი ქარხნების მარჟებმა რეკორდულ ნიშნულს მიაღწია საწვავის დეფიციტის მოლოდინის ფონზე
20.07.2026.08:20
