კანადა რუსეთიდან ფოლადისა და ალუმინის იმპორტს კრძალავს
კანადის მთავრობამ რუსული ფოლადისა და ალუმინის იმპორტის აკრძალვის შესახებ განაცხადა. გადაწყვეტილება უკრაინაში რუსეთის ფართომასშტაბიანი შეჭრის გამო დაწესებული სანქციების რეჟიმის ნაწილია.
შესაბამისი გადაწყვეტილება კანადის მთავრობის ვებგვერდზე გამოქვეყნდა.
სანქციები ეხება არა მხოლოდ ფოლადსა და ალუმინს, არამედ წარმოებულ პროდუქტებს. კერძოდ, რკინიგზისა და ტრამვაის ლიანდაგების წარმოებას.
ამ გადაწყვეტილების გამოცხადებისას კანადის ვიცე-პრემიერმა კრისტია ფრილანდმა განაცხადა, რომ ეს ხელს შეუწყობს რუსეთის დასუსტებას.
Industry Canada-ს მონაცემებით, ქვეყანამ 2021 წელს რუსეთიდან 208 მილიონი დოლარის ფოლადის პროდუქცია შემოიტანა, 2022 წელს კი 79 მილიონი დოლარის. ხოლო 2021 და 2022 წლებში, კანადამ რუსეთისგან შესაბამისად, 44 მლნ და 16 მლნ დოლარის ალუმინი შეისყიდა.
რუსეთის ვაჭრობა კანადასთან უკრაინაში სრულმასშტაბიანი შეჭრის შემდეგ პირველი ათი თვის განმავლობაში მკვეთრად შემცირდა, ექსპორტის კლება ერთ წელიწადში 78%-ია.
შეგახსენებთ, რომ 24 თებერვალს აშშ-ს პრეზიდენტმა ჯო ბაიდენმა ხელი მოაწერა განკარგულებას, რომლის მიხედვითაც რუსეთიდან ალუმინის იმპორტზე 200%-იანი გადასახადი დაწესდა.
რუსეთი მსოფლიოში სიდიდით ლითონის მეორე მწარმოებელია.
სხვა სიახლეები
აშშ-სა და ჩინეთს შორის სავაჭრო შეთანხმების მისაღწევად მოლაპარაკებები დღეს განახლდება
28.07.2025.14:13
ამერიკის შეერთებულ შტატებსა და ჩინეთს შორის სავაჭრო დავის გადაწყვეტის მიზნით, მოლაპარაკებები დღეს სტოკჰოლმში განახლდება. ერთმანეთს ორი ქვეყნის ეკონომიკის მაღალჩინოსნები შეხვდებიან.
Financial Times-ის ცნობით, ამერიკული დელეგაციის წევრები ტრამპის ადმინისტრაციამ გააფრთხილა, რომ პეკინის წინააღმდეგ მკაცრი ნაბიჯებისგან თავი შეიკავონ, რათა ზიანი არ მიაყენონ მოლაპარაკების პროცესს. გამოცემის ინფორმაციით, შეერთებულმა შტატებმა სავაჭრო მოლაპარაკებების ხელშეწყობის მიზნით, ჩინეთიდან ტექნოლოგიის ექსპორტზე შეზღუდვები შეაჩერა.
ADB-ის ცენტრალური და დასავლეთ აზიის დეპარტამენტის გენერალურ დირექტორად ლეა გუტიერესი დაინიშნა
28.07.2025.10:01
ამით ჩვენ ვეუბნებით ქვეყნებს, რომ მივცემთ პრივილეგიას, იყიდონ და იმუშაონ ჩვენს ქვეყანაში და ვფიქრობ, ეს ძალიან კარგია - დონალდ ტრამპი ტარიფებზე
14.07.2025.17:18
მეცნიერების შეფასებით, ევროპაში სიცხის ტალღამ დაახლოებით 2 300 ადამიანის სიცოცხლე იმსხვერპლა
09.07.2025.12:03
ნათია თურნავა საერთაშორისო სავალუტო ფონდისა (IMF) და მსოფლიო ბანკის (WB) წევრი ქვეყნების ჯგუფის შეხვედრის გახსნის ოფიციალურ სესიას დაესწრო
04.07.2025.12:48
ნათია თურნავამ შვეიცარიაში საერთაშორისო ანგარიშსწორების ბანკის ყოველწლიურ შეხვედრაში მიიღო მონაწილეობა
02.07.2025.14:14
