იანვარში, რუსეთის ნავთობისა და გაზის შემოსავლები თითქმის 40%-ით შემცირდა
ფასების შემცირებისა და დასავლეთის სანქციების გამო, რუსეთის ნავთობისა და გაზის ექსპორტის შემოსავალი იანვარში თითქმის 40%-ით შემცირდა.
ამის შესახებ ენერგეტიკის საერთაშორისო სააგენტომ (IEA) განაცხადა, - წერს Reuters.
Reuters-ისთვის IEA-ს მიერ მიწოდებული მონაცემებით, რუსეთის ნავთობისა და გაზის ექსპორტის შემოსავალმა იანვარში 18,5 მილიარდი დოლარი შეადგინა, რაც 38%-ით ნაკლებია 2022 წლის იანვარში, უკრაინაში შეჭრამდე ერთი თვით ადრე მოსკოვის მიერ დეკლარირებულ მონაცემებზე.
მაშინ რუსეთის ფედერაციამ ნავთობისა და გაზის ექსპორტიდან 30 მილიარდი დოლარის შემოსავალი მიიღო.
IEA-ს აღმასრულებელმა დირექტორმა ფატიჰ ბიროლმა თქვა, რომ დასავლურმა შეზღუდვებმა რუსეთის ენერგოექსპორტზე მიზანს მიაღწია.
კერძოდ, მოხდა ნავთობის ბაზრების სტაბილიზაცია და რუსეთს ნავთობისა და გაზის შემოსავლები შეუმცირდა.
„ჩვენ ველით, რომ ნავთობისა და გაზის ექსპორტის შემოსავლების კლება უფრო მკვეთრი იქნება უახლოეს თვეებში და კიდევ უფრო მკვეთრი საშუალოვადიან პერიოდში ტექნოლოგიებისა და ინვესტიციების ხელმისაწვდომობის გამო", - თქვა ბიროლმა Reuters-თან ინტერვიუში.
დეკემბრიდან ევროკავშირმა რუსული ნავთობის საზღვაო იმპორტი აკრძალა და სანქციები დააწესა რუსეთში ნავთობის გადამუშავებისთვის საჭირო ტექნოლოგიების ექსპორტზე. შეზღუდვები რუსეთის ნავთობის იმპორტზე აშშ-მ და დიდმა ბრიტანეთმაც დააწესეს.
დღის ტოპ 10 სიახლე
სხვა სიახლეები
კორუფციული სკანდალის გამო ლიეტუვის მთავრობა გადადგა
04.08.2025.15:51
ლიეტუვაში, კორუფციული სკანდალის გამო, მთავრობა გადადგა. მინისტრთა კაბინეტის უფლებამოსილების შეწყვეტა ლიეტუვის პრემიერ-მინისტრის გინტაუტას პალუცკასის მიერ თანამდებობის დატოვებას უკავშირდება. ის კორუფციულ სკანდალში გაეხვა.
გაირკვა, რომ მასთან დაკავშირებულმა კომპანიამ შეღავათიანი კრედიტი მიიღო და თანაც დაჩქარებული წესით. მთავრობის გადადგომა ლიეტუვის პრეზიდენტმა უნდა დააკმაყოფილოს და ახალი კაბინეტის ფორმირებამდე გიტანას ნაუსედამ დროებითი მთავრობა დანიშნოს.
აშშ-სა და ჩინეთს შორის სავაჭრო შეთანხმების მისაღწევად მოლაპარაკებები დღეს განახლდება
28.07.2025.14:13
ADB-ის ცენტრალური და დასავლეთ აზიის დეპარტამენტის გენერალურ დირექტორად ლეა გუტიერესი დაინიშნა
28.07.2025.10:01
ამით ჩვენ ვეუბნებით ქვეყნებს, რომ მივცემთ პრივილეგიას, იყიდონ და იმუშაონ ჩვენს ქვეყანაში და ვფიქრობ, ეს ძალიან კარგია - დონალდ ტრამპი ტარიფებზე
14.07.2025.17:18
მეცნიერების შეფასებით, ევროპაში სიცხის ტალღამ დაახლოებით 2 300 ადამიანის სიცოცხლე იმსხვერპლა
09.07.2025.12:03
ნათია თურნავა საერთაშორისო სავალუტო ფონდისა (IMF) და მსოფლიო ბანკის (WB) წევრი ქვეყნების ჯგუფის შეხვედრის გახსნის ოფიციალურ სესიას დაესწრო
04.07.2025.12:48
ნათია თურნავამ შვეიცარიაში საერთაშორისო ანგარიშსწორების ბანკის ყოველწლიურ შეხვედრაში მიიღო მონაწილეობა
02.07.2025.14:14
