ჰააგამ პუტინის დაკავების ორდერი გასცა
ჰააგის სისხლის სამართლის საერთაშორისო სასამართლომ რუსეთის პრეზიდენტის ვლადიმერ პუტინის დაკავების ორდერი გასცა. შესაბამისი პრესრელიზი სასამართლოს ვებგვერდზეა განთავსებული.
პუტინი უკრაინის ოკუპირებული ტერიტორიებიდან რუსეთში ბავშვების უკანონო დეპორტაციაშია ეჭვმიტანილი. როგორც სასამართლომ განმარტა, არსებობს „გონივრული საფუძველი“ იმის დასაჯერებლად, რომ ამაზე პასუხისმგებელი პუტინი პირადად არის.
სასამართლო აღნიშნავს, რომ დანაშაულები, რომლებსაც პუტინი ედავება, სავარაუდოდ, 2022 წლის 24 თებერვლიდან არის ჩადენილი.
მსგავსი დაკავების ორდერი გაიცა რუსეთის ფედერაციის პრეზიდენტთან ბავშვთა უფლებების კომისრის მარია ლვოვა-ბელოვას წინააღმდეგ.
The New York Times 13 მარტს, წყაროებზე დაყრდნობით, წერდა, რომ უახლოეს მომავალში ICC გახსნის ორ საქმეს რუსი ოფიციალური პირების წინააღმდეგ უკრაინაში ჩადენილი სავარაუდო დანაშაულის გამო: ერთი უკრაინელი ბავშვების დეპორტაცას, ხოლო მეორე განზრახ განხორცელებულ წერტილოვან დარტყმებს ეხება.
ამ მოხსენებების ფონზე კრემლმა განაცხადა, რომ რუსეთი არ ცნობს სისხლის სამართლის საერთაშორისო სასამართლოს იურისდიქციას.
დღის ტოპ 10 სიახლე
სხვა სიახლეები
21.02.2026.03:28
აშშ-ში ინფლაცია მოსალოდნელზე დაბალია - TBC Capital
18.02.2026.15:00
უკანასკნელი კვირის განმავლობაში აშშ-ში დადებითი ეკონომიკური მონაცემები გამოქვეყნდა. როგორც თიბისი კაპიტალის მიერ მომზადებულ პუბლიკაციაშია აღნიშნული, იანვარში სამუშაო ზრდა ადგილების საგრძნობლად დაჩქარდა, ხოლო უმუშევრობის დონე 4.3%-მდე დაეცა, რაც ბაზრების მოლოდინებზე უკეთესი შედეგია.
„ამასთან ერთად, თებერვლის მონაცემებით წლიურმა ფასების ზრდამ 2.4% შეადგინა, მიუხედავად შიშებისა, რომ დონალდ ტრამპის სატარიფო პოლიტიკა მომხმარებლებზე უფრო დიდ ზეწოლას მოახდენდა. ეს გაუმჯობესებული მონაცემები კევინ უორშის ფედერალურ რეზერვს მეტ ბიძგს მიცემს მიმდინარე წლის განმავლობაში საპროცენტო განაკვეთის შესაძლო შემცირებისთვის“, - აღნიშნულია პუბლიკაციაში.
გლობალურ ბაზრებზე ხელოვნურ ინტელექტთან დაკავშირებული შიშები გავრცელდა, რამაც პროგრამული უზრუნველყოფის აქციების ვარდნა გამოიწვია - TBC Capital
18.02.2026.13:00
ინდოეთი ევროკავშირთან სავაჭრო შეთანხმების ფარგლებში ავტომობილებზე ტარიფებს 40%-მდე შეამცირებს
25.01.2026.23:02
