გულწრფელ მადლობას ვუხდით საქართველოს მთავრობას, რომელმაც რუსეთის ფართომასშტაბიანი შეჭრის დაწყებიდან დღემდე უკრაინაში 27 მძლავრი გენერატორი გაგზავნა, ასევე 9 გენერატორი სუმის ოლქისთვის - უკრაინის საგარეო საქმეთა სამინისტრო
გულწრფელ მადლობას ვუხდით საქართველოს მთავრობას, რომელმაც რუსეთის ფედერაციის ფართომასშტაბიანი შეჭრის დაწყებიდან დღემდე უკრაინაში 27 მძლავრი გენერატორი გაგზავნა, ასევე 9 გენერატორი სუმის ოლქისთვის, - ნათქვამია უკრაინის საგარეო საქმეთა სამინისტროს განცხადებაში.
აქვე აღნიშნულია, რომ ეს ჰუმანიტარული დახმარება უაღრესად მნიშვნელოვანი და დროულია
„ყოველდღიური ტერორისტული თავდასხმების, ასევე ძლიერი სიცივის კონტექსტში, ეს ჰუმანიტარული დახმარება უაღრესად მნიშვნელოვანი და დროულია. ის ხელს შეუწყობს სუმის რეგიონის მდგრადობის გაძლიერებას, რომელიც რუსი მტრის ყოველდღიური საფრთხის ზონაშია და სამოქალაქო ინფრასტრუქტურასა და მშვიდობიან მოსახლეობაზე სასტიკ თავდასხმებს აწყდება", - აცხადებს უკრაინის საგარეო საქმეთა სამინისტრო.
საქართველოს პრემიერ-მინისტრ ირაკლი კობახიძის განკარგულებით, სს 1საქართველოს ენერგეტიკის განვითარების ფონდმა” უკრაინაში ჰუმანიტარული ტვირთი გაგზავნა. აღნიშნული ტვირთი მოიცავს 9 ერთეულ, სხვადასხვა ტიპისა და სიმძლავრის გენერატორს.
დღის ტოპ 10 სიახლე
Best Discovery-საქართველო m&i Transatlantic Vienna 2026-ის საქმიანი ტურიზმის ფორუმის გამარჯვებულია
სხვა სიახლეები
თქვენი თავისუფლების ჟამი ახლოვდება - ტრამპი ირანელ ხალხს
28.02.2026.15:10
აშშ-ის პრეზიდენტმა, დონალდ ტრამპმა თავის გამოსვლაში ირანელ ხალხს მიმართა და აღნიშნა, რომ მათი თავისუფლების ჟამი ახლოვდება.
„ირანის დიდებულ და ამაყ ხალხს დღეს საღამოს ვეტყვი, რომ თქვენი თავისუფლების ჟამი ახლოვდება. დარჩით თავშესაფარში. სახლები არ დატოვოთ. გარეთ ძალიან საშიშია. ბომბები ყველგან დაეცემა. როცა ჩვენ დავასრულებთ, აიღეთ ხელში მმართველობა. ის თქვენი იქნება. შესაძლოა, ეს იყოს ერთადერთი შანსი“, - განაცხადა ტრამპმა.
როგორც თეთრი სახლის ლიდერმა განმარტა, მრავალი წლის განმავლობაში ირანელი ხალხი ამერიკის დახმარებას ითხოვდა, მაგრამ არავინ ეხმარებოდა მათ.
„მრავალი წლის განმავლობაში თქვენ ითხოვდით ამერიკის დახმარებას, მაგრამ არასდროს გქონიათ ის. მაშ, ვნახოთ, როგორ უპასუხებთ ამას. ამერიკა დიდი ძალითა და სიძლიერით გიჭერთ მხარს. ახლა დროა აიღოთ ხელში საკუთარი ბედი და აღმოაჩინოთ აყვავებული და დიდებული მომავალი, რომელიც ძალიან ახლოსაა. მოქმედების დროა. არ გაუშვათ ხელიდან“, - თქვა მან.
ცნობისთვის, დღეს დილით ისრაელმა და აშშ-მა ირანის წინააღმდეგ სამხედრო ოპერაცია დაიწყეს. აფეთქებების ხმა ისმის თეირანში და ირანის სხვა მსხვილ ქალაქებში.
