გლობალურ ბაზარზე ბუნებრივი აირის ფასი 6.9%-ით შემცირდა - Galt & Taggart
2024 წლის ოქტომბერში ბუნებრივი აირის ფასი თვიურად 6.9%-ით შემცირდა. როგორც Galt & Taggart-ის ნედლეულის ბაზრის ყოველთვიურ მიმოხილვაშია აღნიშნული, ევროპული გაზის ფასები სწრაფად
შემცირდა მას შემდეგ, რაც Bloomberg-ის მიერ გავრცელებული ინფორმაციით ევროპელი შემსყიდველები
აზერბაიჯანულ „სოკართან“ უკრაინის ტრანზიტის გასაგრძელებლად ხელშეკრულების გაფორმებასთან იყვნენ
ახლოს. მოგვიანებით, სხვა წყაროებით ეს ინფორმაცია არ დადასტურდა. აღსანიშნავია, რომ რუსეთ-უკრაინის გაზის ტრანზიტის ხელშეკრულება მიმდინარე წლის ბოლოს იწურება, თუმცა გაზსადენის სამომავლო ბედი ჯერ კიდევ უცნობია.
„ევროკომისიის მიხედვით, ევროპა რუსული გაზისგან დამოუკიდებლობას ემხრობა და მზადაა უკრაინული
ტრანზიტის შეწყვეტისთვის. მოთხოვნის მხარეს ევროპა თბილი ნოემბრის მოლოდინშია. თვის განმავლობაში კონტინენტზე ტემპერატურა 30-წლიან საშუალოზე თბილი იქნება, რაც ბუნებრივ აირზე მოთხოვნას შეამცირებს. დამატებით, არსებული მარაგების 95% სავსეა, როცა სამიზნე მაჩვენებელი გათბობის სეზონის დაწყებისას 90% არის. სავსე მარაგებს კონტინენტის ზამთრის მოხმარების თითქმის მესამედის უზრუნველყოფა შეუძლია“, - განმარტავენ Galt & Taggart-ში.
დღის ტოპ 10 სიახლე
სხვა სიახლეები
AmEx-ის გლობალური დაფარვა ფართოვდება - დეტალები
12.10.2026.19:00
American Express-მა განაცხადა, რომ მისი საკრედიტო ბარათების გამოყენება მსოფლიოს მასშტაბით უკვე 190 მილიონზე მეტ სავაჭრო ობიექტშია შესაძლებელი. კომპანიის ინფორმაციით, აშშ-ის ფარგლებს გარეთ ბარათების მიღების ქსელი ბოლო ოთხი წლის განმავლობაში ორჯერ მეტად გაიზარდა.
გაფართოება მიზნად ისახავს American Express-სა და კონკურენტ ბარათების ქსელებს, Visa-სა და Mastercard-ს შორის არსებული ხანგრძლივი სხვაობის შემცირებას. ისტორიულად, Visa-სა და Mastercard-ს აშშ-ის ფარგლებს გარეთ ბარათების მიღების უფრო ფართო ქსელი და რიგ მნიშვნელოვან საერთაშორისო ბაზრებზე უფრო დიდი მასშტაბი ჰქონდათ.
კომპანიის განცხადებით, მან განსაკუთრებული ყურადღება გაამახვილა იმ ადგილებში ბარათების მიღების შესაძლებლობების გაძლიერებაზე, სადაც მისი მომხმარებლები ყველაზე ხშირად ხარჯავენ თანხას, მათ შორის ისეთ პოპულარულ ტურისტულ მიმართულებებზე, როგორებიცაა ბარსელონა, ჰონგ-კონგი, პარიზი და სიცილია.
Global Finance-ის შეფასებით, Lion Finance Group-ის შვილობილი Ameriabank-ის ციფრული ეკოსისტემა საუკეთესოა რამდენიმე კატეგორიაში - დეტალები
12.10.2026.17:00
Lion Finance Group-ის შვილობილი, Ameriabank-ი სომხეთის ყველაზე ინოვაციურ ციფრულ ბანკად დასახელდა Global Finance-ის მიერ
05.10.2026.11:53
McDonald’s განმეორებითი ვიზიტების წასახალისებლად ლოიალობის მრავალდონიან პროგრამას შექმნის
02.10.2026.16:00
