გერმანული Porsche-ს მოგება წლის პირველ სამ კვარტალში გასული წლის იმავე პერიოდთან შედარებით 95.9%-ით შემცირდა
გერმანული Porsche-ს მოგება წლის პირველ სამ კვარტალში გასული წლის იმავე პერიოდთან შედარებით 95.9%-ით შემცირდა, რაც ნაწილობრივ ელექტრომობილების გამოშვების სტრატეგიის ცვლილებას უკავშირდება. ინფორმაციას ამის შესახებ Yahoo Finance-ი ავრცელებს.
გერმანულმა მწარმოებელმა პარასკევს გაამჟღავნა, რომ ცხრა თვის განმავლობაში გადასახადების შემდეგ მოგებამ მხოლოდ $132.5 მილიონი (€114 მილიონი) შეადგინა.
პირველ ცხრა თვეში საოპერაციო მოგებამ €40 მილიონი შეადგინა, რაც 99%-ით ნაკლებია წინა წლის მაჩვენებელზე, რომელიც 4 მილიარდ ევროს ოდნავ აღემატებოდა.
კომპანიის თქმით, „ბაზრის რეალობებისა და მომხმარებელთა საჭიროებების“ გათვალისწინებით, შიდაწვის ძრავი კვლავ ბრუნდება და ის მომავალ ათწლეულშიც საჭირო იქნება.
ეს ზომები დიდ თანხებს უკავშირდება: 2025 ფინანსურ წელს დამატებითი ხარჯები დაახლოებით 3.1 მილიარდ ევროს შეადგენს. ბრუნვამ 6%-ით იკლო და დაახლოებით 26.9 მილიარდ ევროს მიაღწია.
დღის ტოპ 10 სიახლე
ჩვენი მიზანია გავხდეთ საქართველოს წამყვანი სასტუმრო - Le Méridien Batumi-ს ახალი გენერალური მენეჯერი
სხვა სიახლეები
იაპონიის მმართველმა პარტიამ რიგგარეშე არჩევნებზე საკონსტიტუციო უმრავლესობა მიიღო
09.02.2026.13:09
იაპონიის ვადამდელ საპარლამენტო არჩევნებში მმართველმა ლიბერალ-დემოკრატიულმა პარტიამ (LDP) გაიმარჯვა, პრემიერ-მინისტრ სანაე ტაკაიტის ხელმძღვანელობით.
LDP-ის შედეგმა ყველაზე ოპტიმისტურ პროგნოზებსაც კი გადააჭარბა. კონსერვატიულმა კოალიციამ პარლამენტის ქვედა პალატაში ადგილების ორ მესამედზე მეტი მოიპოვა, რაც კონსტიტუციური უმრავლესობфა, რომელიც ტაკაიტის პარტიას აძლევს შესაძლებლობას, განახორციელოს თავისი ინიციატივები ოპოზიციის გათვალისწინების გარეშე.
კენჭისყრის საბოლოო შედეგების მიხედვით, რომელსაც იაპონიის საზოგადოებრივი მაუწყებელი NHK აქვეყნებს, ლიბერალ-დემოკრატიულმა პარტიამ 465-დან 316 მანდატი მოიპოვა. მანამდე მმართველ პარტიას ქვედა პალატაში მხოლოდ 198 ადგილი ჰქონდა. პარტიამ მიიღო კონსტიტუციური უმრავლესობა (310 ადგილზე მეტი), რაც LDP-ს საშუალებას აძლევს, დაძლიოს ზედა პალატის ვეტო და შეიტანოს ცვლილებები კონსტიტუციაში.
ადგილობრივი მედია აღნიშნავს, რომ ეს არის პირველი შემთხვევა მეორე მსოფლიო ომის დასრულების შემდეგ, როდესაც ერთმა პოლიტიკურმა პარტიამ ქვედა პალატაში ადგილების ორ მესამედზე მეტი მოიპოვა.
როგორც გამოცემა Kyodo წერს, ასეთი დამაჯერებელი გამარჯვება პრემიერ-მინისტრ სანაე ტაკაიტის მნიშვნელოვან იმპულსს მისცემს თავისი კონსერვატიული პოლიტიკური პროგრამის გასატარებლად. გამოცემას მიაჩნია, რომ პარლამენტში ადგილების ასეთი მნიშვნელოვანი ზრდა დიდწილად თავად ტაკაიტის პიროვნული პოპულარობის დამსახურებაა.
ინდოეთი ევროკავშირთან სავაჭრო შეთანხმების ფარგლებში ავტომობილებზე ტარიფებს 40%-მდე შეამცირებს
25.01.2026.23:02
ინდოეთმა და არაბთა გაერთიანებულმა საამიროებმა $3 მილიარდის ღირებულების შეთანხმებას მოაწერეს ხელი
19.01.2026.23:23
