Ford-ი თითქმის 1,3 მლნ ავტომობილს გაიწვევს
Ford Motor-ი 2013 წლიდან 2018 წლამდე გამოშვებულ თითქმის 1,3 მილიონ სედან Fusion-სა და Lincoln MKZ-ს გაიწვევს.
როგორც უცხოური მედია წერს, ავტომობილების გამოწვევის მიზეზი შესაძლოა წინა სამუხრუჭე მილების დეფექტი გახდეს. კერძოდ, არის რისკი, რომ მილი დაზიანდეს და სამუხრუჭე სითხემ გაჟონოს, რითაც მანქანის გაჩერების შესაძლებლობას დააქვეითებს და პოტენციურად გაზარდოს ავარიის რისკს.
სიტუაციის გამოსასწორებლად დილერები უსასყიდლოდ შეცვლიან წინა სამუხრუჭე მილებს. შეტყობინებების წერილები დაზიანებული მანქანების მფლობელებს სავარაუდოდ აპრილის შუა რიცხვებში გაეგზავნებათ, შემდგომ წერილს კი სათადარიგო ნაწილების ხელმისაწვდომობისთანავე მიიღებენ.
დღის ტოპ 10 სიახლე
კამპანიის „დაზოგე წყალი“ ფარგლებში ხაშურისა და გორის საჯარო სკოლის მოსწავლეებთან შეხვედრები გაიმართა
სხვა სიახლეები
თურქეთის თავდაცვის სამინისტრო ირანიდან გაშვებული ბალისტიკური რაკეტის ჩამოგდების შესახებ იუწყება
04.03.2026.16:30
თურქეთის ჰაერსაწინააღმდეგო სისტემამ, ნატოს დახმარებით, ირანიდან გაშვებული ბალისტიკური რაკეტა ჩამოაგდო. ინფორმაციას თურქეთის თავდაცვის სამინისტრო ავრცელებს.
„თურქეთის ჰაერსაწინააღმდეგო და ხმელთაშუა ზღვის აღმოსავლეთ ნაწილში განლაგებულმა ნატოს რაკეტსაწინააღმდეგო ქვედანაყოფებმა დროულად აღმოაჩინეს და ჩამოაგდეს ბალისტიკური რაკეტა, რომელიც ირანიდან იყო გაშვებული, გადაკვეთა ერაყისა და სირიის საჰაერო სივრცე და თურქეთის საჰაერო სივრცისკენ მიემართებოდა“, - აღნიშნულია თურქეთის თავდაცვის უწყების მიერ გავრცელებულ განცხადებაში.
ირანული რაკეტის ფრაგმენტი ჰათაის პროვინციის დორთიოლის რაიონში ჩამოვარდა. ინციდენტის შედეგად არავინ დაშავებულა.
„ვაფრთხილებთ ყველა მხარეს, თავი შეიკავონ ისეთი ქმედებებისგან, რომლებმაც, შესაძლოა, რეგიონში კონფლიქტის განშლა გამოიწვიოს. ამ კონტექსტში ნატოსა და სხვა მოკავშირეებთან კონსულტაციებს გავაგრძელებთ“, - დასძინეს თურქეთის თავდაცვის სამინისტროში.
