ფინანსთა მინისტრი საერთაშორისო სავალუტო ფონდის აღმასრულებელ დირექტორს შეხვდა
ფინანსთა მინისტრი ლაშა ხუციშვილი საერთაშორისო სავალუტო ფონდის აღმასრულებელ დირექტორს, იერუნ კლიკს შეხვდა.
შეხვედრას დაესწრნენ ფინანსთა მინისტრის მოადგილეები გიორგი კაკაურიძე და ეკატერინე გუნცაძე.
მხარეებმა მიმოიხილეს საქართველოსა და საერთაშორისო სავალუტო ფონდს შორის თანამშრომლობის საკითხები. როგორც ცნობილია, საქართველოში მუშაობს საერთაშორისო სავალუტო ფონდის მისია, რომელიც ხორციელდება სსფ-ის წესდების IV მუხლის დებულებით („მეოთხე მუხლის კონსულტაციები") გათვალისწინებული კონსულტაციების ფარგლებში.
შეხვედრაზე ხაზი გაესვა მიმდინარე და გასული წლების ეკონომიკური ზრდისა და სხვა მაკროეკონომიკურ პარამეტრებს. საუბარი შეეხო სტაბილური ფისკალური და მონეტარული პოლიტიკის მნიშვნელობას ქვეყნის განვითარების პროცესში.
სსფ-ის აღმასრულებელმა დირექტორმა ფინანსთა მინისტრს მადლობა გადაუხადა ფონდის მისიასთან თანამშრომლობისა და აქტუალური საკითხების განხილვისთვის.
შეხვედრის დასასრულს, მხარეებმა საქართველოსა და საერთაშორისო სავალუტო ფონდს შორის ურთიერთობის განვითარების მზაობა გამოხატეს.
დღის ტოპ 10 სიახლე
სხვა სიახლეები
ვაშინგტონმა Lukoil-ის ბენზინგასამართ სადგურებს სანქციებისგან დროებით გათავისუფლების ვადა გაუხანგრძლივა
06.12.2025.00:02
ამერიკის ფინანსთა სამინისტრომ ვადა გაუგრძელა სპეციალურ ლიცენზიას, რომელიც უცხოეთის ქვეყნებში Lukoil-ის ბენზინგასამართი სადგურების ქსელს დროებით სანქციებისგან ათავისუფლებს.
უწყების მიერ გამოქვეყნებულ განცხადებაში ნათქვამია, რომ გადაწყვეტილება მომავალი წლის აპრილამდე იმოქმედებს. რეგულაცია მხოლოდ ბენზინგასამართ სადგურებზე გავრცელდება და კომპანიის სხვა საქმიანობაზე შეზღუდვები ძალაში დარჩება.
ეროვნული ბანკის ვიცე-პრეზიდენტმა ნინო ჯელაძემ სინგაპურის ფინტექ ფესტივალში მიიღო მონაწილეობა
19.11.2025.18:08
ინგა ფხალაძე აშშ - ის ენერგეტიკის მდივნის მოქმედ თანაშემწეს საერთაშორისო ურთიერთობებში ტომი ჯოისს შეხვდა
06.11.2025.18:54
აშშ ჩინეთთან შეთანხმებას დადებს და ეს ორივესთვის კარგი შეთანხმება იქნება - დონალდ ტრამპი
29.10.2025.10:40
გერმანული Porsche-ს მოგება წლის პირველ სამ კვარტალში გასული წლის იმავე პერიოდთან შედარებით 95.9%-ით შემცირდა
27.10.2025.15:05
ნათია თურნავა და ლაშა ხუციშვილი სსფ-სა და მსოფლიო ბანკის შეხვედრების ფარგლებში ამერიკელ ინვესტორებს შეხვდნენ
19.10.2025.11:54
სენატორ სტივ დეინსთან აშშ-საქართველოს ურთიერთობებში ახალი თავის გახსნა განვიხილეთ - თამარ ტალიაშვილი
12.09.2025.09:47
