ფინანსთა მინისტრი ლაშა ხუციშვილი სიტყვით გამოვიდა ევროპის რეკონსტრუქციისა და განვითარების ბანკის (EBRD) მმართველთა საბჭოს სესიაზე
ევროპის რეკონსტრუქციისა და განვითარების ბანკის (EBRD) 34-ე წლიური შეხვედრის ფარგლებში, ფინანსთა მინისტრი ლაშა ხუციშვილი სიტყვით გამოვიდა ბანკის მმართველთა საბჭოს სესიაზე.
გამოსვლისას, მან, კიდევ ერთხელ, ხაზი გაუსვა ევროპის რეკონსტრუქციისა და განვითარების ბანკთან თანამშრომლობის მნიშვნელობას, განსაკუთრებით კერძო სექტორის დაფინანსების მიმართულებით, ასევე, ისაუბრა საქართველოს მიერ ბოლო წლებში ქვეყნის სატრანზიტო, ინფრასტრუქტურული, თუ ენერგეტიკული პოტენციალის გაზრდის მიმართულებით გადადგმულ ნაბიჯებზე.
„ჩვენ მთლიანი შიდა პროდუქტის, დაახლოებით, 8 პროცენტს ვხარჯავთ ისეთ კაპიტალურ პროექტებზე, როგორიცაა საგზაო და ციფრული დაკავშირებადობა, ქალაქად და სოფლად აუცილებელი სერვისების უზრუნველყოფა — საერთაშორისო საფინანსო ინსტიტუტების, მათ შორის, EBRD-ის მხარდაჭერით. საქართველოს ეკონომიკამ, კიდევ ერთხელ, დაამტკიცა თავისი გამძლეობა — ბოლო ოთხი წლის განმავლობაში საშუალო წლიურმა ზრდამ 9.5 პროცენტს გადააჭარბა. ქვეყანა მნიშვნელოვანი ენერგეტიკული პროექტების პორტფელით გამოირჩევა, მათ შორის, უახლოეს მომავალში დაგეგმილი წყალქვეშა ელექტროსადენით, რომელიც განახლებადი ენერგიის გადაცემასა და ციფრულ კავშირს უზრუნველყოფს. ევროპასა და საქართველოს (შესაბამისად, სამხრეთ კავკასიას) შორის ელექტროენერგიის გადაცემის შესაძლებლობის გაძლიერება, წარმოადგენს გრძელვადიანი ენერგოუსაფრთხოების სტრატეგიულ ხედვას, როგორც რეგიონისთვის, ისე ევროკავშირისათვის", - განაცხადა ფინანსთა მინისტრმა, ლაშა ხუციშვილმა.
ფინანსთა მინისტრმა, ასევე, ისაუბრა, საქართველოს ევროპული ინტეგრაციის მისწრაფებებსა და ევროპის რეკონსტრუქციისა და განვითარების ბანკთან თანამშრომლობის შემდგომი გაღრმავების პერსპექტივებზე მდგრადი ეკონიმიკური ზრდის ხელშესაწყობად.
ლაშა ხუციშვილის გამოსვლის სრული ტექსტი შეგიძლიათ იხილოთ აღნიშნულ ბმულზე:
file:///C:/Users/ADBuser/Desktop/AM025e-X%20Georgia%20.pdf
დღის ტოპ 10 სიახლე
სხვა სიახლეები
ინდოეთმა და არაბთა გაერთიანებულმა საამიროებმა $3 მილიარდის ღირებულების შეთანხმებას მოაწერეს ხელი
19.01.2026.23:23
ინდოეთმა და არაბთა გაერთიანებულმა საამიროებმა $3 მილიარდის ღირებულების თხევადი ბუნებრივი აირის (LNG-ის) შეთანხმებას მოაწერეს ხელი.
შეთანხმებას ხელი მოეწერა არაბთა გაერთიანებული საამიროების პრეზიდენტის, ინდოეთში ვიზიტის ფარგლებში, რომლის დროსაც იგი ინდოეთის პრემიერ-მინისტრს შეხვდა. მხარეებმა აიღეს ვალდებულება, ექვსი წლის განმავლობაში გააორმაგონ ვაჭრობა და 200 მილიარდ აშშ დოლარს მიაღწიონ, ასევე ჩამოაყალიბონ სტრატეგიული თავდაცვითი პარტნიორობა.
დონალდ ტრამპი დანიას, ნორვეგიას, შვედეთს, საფრანგეთს, გერმანიას, ბრიტანეთს, ნიდერლანდებსა და ფინეთს ტარიფებს უწესებს
18.01.2026.03:08
ეკატერინე მიქაბაძემ ცენტრალური და აღმოსავლეთ ევროპის საერთაშორისო ფორუმში მიიღო მონაწილეობა
15.01.2026.11:52
Emaar ჯგუფის და Eagle Hills-ის დამფუძნებელი აშშ-ში დეველოპერული კომპანიის დაფუძნებას გეგმავს
12.01.2026.11:00
