ფინანსთა მინისტრი ლაშა ხუციშვილი სიტყვით გამოვიდა ევროპის რეკონსტრუქციისა და განვითარების ბანკის (EBRD) მმართველთა საბჭოს სესიაზე
ევროპის რეკონსტრუქციისა და განვითარების ბანკის (EBRD) 34-ე წლიური შეხვედრის ფარგლებში, ფინანსთა მინისტრი ლაშა ხუციშვილი სიტყვით გამოვიდა ბანკის მმართველთა საბჭოს სესიაზე.
გამოსვლისას, მან, კიდევ ერთხელ, ხაზი გაუსვა ევროპის რეკონსტრუქციისა და განვითარების ბანკთან თანამშრომლობის მნიშვნელობას, განსაკუთრებით კერძო სექტორის დაფინანსების მიმართულებით, ასევე, ისაუბრა საქართველოს მიერ ბოლო წლებში ქვეყნის სატრანზიტო, ინფრასტრუქტურული, თუ ენერგეტიკული პოტენციალის გაზრდის მიმართულებით გადადგმულ ნაბიჯებზე.
„ჩვენ მთლიანი შიდა პროდუქტის, დაახლოებით, 8 პროცენტს ვხარჯავთ ისეთ კაპიტალურ პროექტებზე, როგორიცაა საგზაო და ციფრული დაკავშირებადობა, ქალაქად და სოფლად აუცილებელი სერვისების უზრუნველყოფა — საერთაშორისო საფინანსო ინსტიტუტების, მათ შორის, EBRD-ის მხარდაჭერით. საქართველოს ეკონომიკამ, კიდევ ერთხელ, დაამტკიცა თავისი გამძლეობა — ბოლო ოთხი წლის განმავლობაში საშუალო წლიურმა ზრდამ 9.5 პროცენტს გადააჭარბა. ქვეყანა მნიშვნელოვანი ენერგეტიკული პროექტების პორტფელით გამოირჩევა, მათ შორის, უახლოეს მომავალში დაგეგმილი წყალქვეშა ელექტროსადენით, რომელიც განახლებადი ენერგიის გადაცემასა და ციფრულ კავშირს უზრუნველყოფს. ევროპასა და საქართველოს (შესაბამისად, სამხრეთ კავკასიას) შორის ელექტროენერგიის გადაცემის შესაძლებლობის გაძლიერება, წარმოადგენს გრძელვადიანი ენერგოუსაფრთხოების სტრატეგიულ ხედვას, როგორც რეგიონისთვის, ისე ევროკავშირისათვის", - განაცხადა ფინანსთა მინისტრმა, ლაშა ხუციშვილმა.
ფინანსთა მინისტრმა, ასევე, ისაუბრა, საქართველოს ევროპული ინტეგრაციის მისწრაფებებსა და ევროპის რეკონსტრუქციისა და განვითარების ბანკთან თანამშრომლობის შემდგომი გაღრმავების პერსპექტივებზე მდგრადი ეკონიმიკური ზრდის ხელშესაწყობად.
ლაშა ხუციშვილის გამოსვლის სრული ტექსტი შეგიძლიათ იხილოთ აღნიშნულ ბმულზე:
file:///C:/Users/ADBuser/Desktop/AM025e-X%20Georgia%20.pdf
დღის ტოპ 10 სიახლე
სხვა სიახლეები
დავით სონღულაშვილი, საფრანგეთში სამუშაო ვიზიტის ფარგლებში, „კლიმატის მწვანე ფონდის“ აღმასრულებელ დირექტორს მაფალდა დუარტეს შეხვდა
10.06.2025.16:44
საქართველოს გარემოს დაცვისა და სოფლის მეურნეობის მინისტრმა დავით სონღულაშვილმა, საფრანგეთის რესპუბლიკაში, ქალაქ ნიცაში სამუშაო ვიზიტის ფარგლებში, „კლიმატის მწვანე ფონდის“ (Green Climate Fund – GCF) აღმასრულებელ დირექტორ მაფალდა დუარტესთან შეხვედრა გამართა.
მხარეებმა საქართველოში კლიმატის ცვლილების ნეგატიური ზეგავლენის შემცირებისკენ მიმართული მიმდინარე და დაგეგმილი პროექტები განიხილეს.
„საქართველოს პარტნიორობა „კლიმატის მწვანე ფონდთან“ (GCF) 2016 წელს დაიწყო. მას შემდეგ სხვადასხვა მიმართულებით არაერთ ერთობლივ პროექტს ვახორციელებთ. საქართველოში კლიმატის ცვლილების შემარბილებელი და საადაპტაციო ღონისძიებების განსახორციელებლად GCF-მა ორი ეროვნული პროექტი დააფინანსა. ჩვენ ჩართულები ვართ ფონდის რეგიონულ პროექტებშიც. ვიმედოვნებთ, რომ „კლიმატის მწვანე ფონდთან ნაყოფიერი თანამშრომლობა მომავალშიც გაგრძელდება“,-განაცხადა დავით სონღულაშვილმა.
მაფალდა დუარტემ დადებითად შეაფასა საქართველოს პროგრესი კლიმატთან დაკავშირებულ საკითხებში და მზადყოფნა გამოთქვა, კიდევ უფრო მეტად გაძლიერდეს GCF-ის მხრიდან საქართველოს მხარდაჭერა, განსაკუთრებით კლიმატგონივრული სოფლის მეურნეობის ხელშეწყობის და წყლის რესურსების მდგრადი მართვის მიმართულებებით.
„კლიმატის მწვანე ფონდის“ აღმასრულებელ დირექტორთან შეხვედრა გაეროს მიერ ორგანიზებული მაღალი დონის კონფერენციის ფარგლებში შედგა, სადაც დავით სონღულაშვილმა ორმხრივი შეხვედრები სხვადასხვა ქვეყნის კოლეგებთან გამართა. შეხვედრებში მინისტრთან ერთად მონაწილეობდა მინისტრის პირველი მოადგილე ნინო თანდილაშვილი.
ჰელსინკში, საქართველოს დამოუკიდებლობის დღის აღსანიშნავი ღონისძიების ფარგლებში, ქართული ღვინის წარდგენა გაიმართა
30.05.2025.09:55
მსოფლიოს სხვადასხვა ქვეყნის საგარეო საქმეთა მინისტრები მაკა ბოჭორიშვილს საქართველოს დამოუკიდებლობის დღეს ულოცავენ
26.05.2025.11:00
ამერიკის შეერთებული შტატების სახელით, ვულოცავ ქართველ ხალხს ამ ეროვნულ დღეს - მარკო რუბიო
26.05.2025.10:46
