Emaar ჯგუფის და Eagle Hills-ის დამფუძნებელი აშშ-ში დეველოპერული კომპანიის დაფუძნებას გეგმავს
Emaar ჯგუფის და Eagle Hills-ის დამფუძნებელმა და მმართველმა დირექტორმა მოჰამედ ალაბარმა დუბაიში, 10–11 იანვარს გამართულ 1 Billion Followers Summit-ის პანელურ დისკუსიაში მიიღო მონაწილეობა. გამოსვლის ფარგლებში ალაბარმა აშშ-ს ეკონომიკის მნიშვნელობაზე ისაუბრა და აღნიშნა, რომ მისი სიჯანსაღე მსოფლიოსთვის განსაკუთრებული მნიშვნელობის მქონეა.
,,ჯანსაღი შეერთებული შტატების გარეშე გლობალური ეკონომიკა მნიშვნელოვანი რისკის წინაშე დგება. ჩვენ ყველას გვსურს შეერთებული შტატებისთვის საუკეთესო, რადგან მსოფლიო მასზეა დამოკიდებული, ისევე როგორც ჩინეთზე. ამ წამყვანი ეკონომიკების ჯანსაღი ფუნქციონირება გადამწყვეტია გლობალური ეკონომიკური სტაბილურობის უზრუნველსაყოფად", - განაცხადა Emaar ჯგუფის და Eagle Hills-ის დამფუძნებელმა და მმართველმა დირექტორმა.
სიტყვით გამოსვლისას მოჰამედ ალაბარმა ასევე განაცხადა, რომ აშშ-ში დეველოპერული კომპანიის დაფუძნებას გეგმავს.
დღის ტოპ 10 სიახლე
Best Discovery-საქართველო m&i Transatlantic Vienna 2026-ის საქმიანი ტურიზმის ფორუმის გამარჯვებულია
სხვა სიახლეები
თქვენი თავისუფლების ჟამი ახლოვდება - ტრამპი ირანელ ხალხს
28.02.2026.15:10
აშშ-ის პრეზიდენტმა, დონალდ ტრამპმა თავის გამოსვლაში ირანელ ხალხს მიმართა და აღნიშნა, რომ მათი თავისუფლების ჟამი ახლოვდება.
„ირანის დიდებულ და ამაყ ხალხს დღეს საღამოს ვეტყვი, რომ თქვენი თავისუფლების ჟამი ახლოვდება. დარჩით თავშესაფარში. სახლები არ დატოვოთ. გარეთ ძალიან საშიშია. ბომბები ყველგან დაეცემა. როცა ჩვენ დავასრულებთ, აიღეთ ხელში მმართველობა. ის თქვენი იქნება. შესაძლოა, ეს იყოს ერთადერთი შანსი“, - განაცხადა ტრამპმა.
როგორც თეთრი სახლის ლიდერმა განმარტა, მრავალი წლის განმავლობაში ირანელი ხალხი ამერიკის დახმარებას ითხოვდა, მაგრამ არავინ ეხმარებოდა მათ.
„მრავალი წლის განმავლობაში თქვენ ითხოვდით ამერიკის დახმარებას, მაგრამ არასდროს გქონიათ ის. მაშ, ვნახოთ, როგორ უპასუხებთ ამას. ამერიკა დიდი ძალითა და სიძლიერით გიჭერთ მხარს. ახლა დროა აიღოთ ხელში საკუთარი ბედი და აღმოაჩინოთ აყვავებული და დიდებული მომავალი, რომელიც ძალიან ახლოსაა. მოქმედების დროა. არ გაუშვათ ხელიდან“, - თქვა მან.
ცნობისთვის, დღეს დილით ისრაელმა და აშშ-მა ირანის წინააღმდეგ სამხედრო ოპერაცია დაიწყეს. აფეთქებების ხმა ისმის თეირანში და ირანის სხვა მსხვილ ქალაქებში.
