დონატელა ვერსაჩე Versace-ს კრეატიული დირექტორის პოსტს ტოვებს
69 წლის დონატელა ვერსაჩე Versace-ს კრეატიული დირექტორის პოსტს ტოვებს, რომელსაც ის თითქმის 30 წლის განმავლობაში იკავებდა. ინფორმაციას BBC-ი ავრცელებს.
დონატელამ Versace-ს კრეატიული დირექტორის პოსტი 1997 წელს დაიკავა, მისი ძმის ჯანი ვერსაჩეს მკვლელობის შემდეგ. მის ადგილს დარიო ვიტალე დაიკავებს, რომელიც Miu Miu-ს დიზაინის მიმართულებას კურირებდა.
გავრცელებული ინფორმაციით, დონატელა საქველმოქმედო საქმიანობით დაკავდება.
„ვერსაჩე ჩემს დნმ-შია და ყოველთვის ჩემს გულშია. ჩემთვის ყოველთვის მნიშვნელოვანი იყო დიზაინერების შემდეგი თაობების მხარდაჭერა. მე აღფრთოვანებული ვარ იმით, რომ ჩვენ დარიო ვიტალე შემოგვიერთდება“, - დაწერა დონატელამ სოციალურ ქსელში.
მოდის სახლი Versace მილანში 1978 წელს დაარსდა დონატელასა და მისი ძმების - სანტოსა და ჯანის მიერ.
2018 წელს Versace 2 მილიარდ დოლარად Michael Kors-მა იყიდა, რომელიც 2018 წელს Capri Holdings-ში გაერთიანდა.
სხვა სიახლეები
ეკონომიკური ზეწოლა ირანის წინააღმდეგ შეერთებული შტატების ყველაზე ეფექტური იარაღია - ჯეი დი ვენსი
21.08.2026.10:04
აშშ-ის ვიცე-პრეზიდენტმა, ჯეი დი ვენსმა ხუთშაბათს განაცხადა, რომ ეკონომიკური ზეწოლა ირანის წინააღმდეგ შეერთებული შტატების „ყველაზე ეფექტური იარაღია“, თუმცა აღნიშნა, რომ ეს „ფაქიზი საკითხია“.
„ყველაზე ეფექტური იარაღი, რაც გვაქვს, ის ეკონომიკური ზეწოლაა, რომელიც შეგვიძლია მათზე განვახორციელოთ. ეს ფაქიზი საკითხია, რადგან როდესაც ჩვენ მათზე ვახდენთ ეკონომიკურ ზეწოლას, ისინიც შეეცდებიან საპასუხო ეკონომიკური ზეწოლა ჩვენზე განახორციელონ“, - განაცხადა ვენსმა.
ვენსმა აღიარა, რომ „ცხადია, ნავთობის ფასები გაზრდილია, რასაც ხალხი ავტოგასამართ სადგურებზე ხედავს“, თუმცა ხაზი გაუსვა ადმინისტრაციის ძალისხმევას, უზრუნველყოს გემების გატარება ჰორმუზის სრუტეში.
„ისინი სრუტის ჩაკეტვას ცდილობენ. ჩვენი მიზანია ბაზარზე იმ რაოდენობის ნავთობისა და საწვავის გატანა შევძლოთ, რაც ამერიკელებს საწვავსა და ენერგომატარებლებზე ფასებს ოდნავ მაინც შეუმსუბუქებს“, - დასძინა ვენსმა.
„ამავდროულად, ირანელები ისჯებიან კომერციულ გემებზე ცეცხლის გახსნის გამო. ეს მათზე უდიდეს ეკონომიკურ ზეწოლას ახდენს და ცვლის მათ გათვლებს იმასთან დაკავშირებით, თუ როგორი შეთანხმების მიღწევა სურთ“, - აღნიშნა მან.
ვენსის თქმით, ამგვარი ზეწოლის განხორციელება საუკეთესო გზაა „საბოლოო მიზნის“ მისაღწევად, რათა ირანმა ვერ შეძლოს თავისი ბირთვული პოტენციალის აღდგენა.
უზბეკეთს მსოფლიოში საერთაშორისო რეზერვებში ოქროს ყველაზე მაღალი წილი აქვს - Fitch Ratings
21.08.2026.09:12
ოქროს რეზერვების ზრდა კავკასიისა და ცენტრალური აზიის ქვეყნების საგარეო ბუფერებს აძლიერებს, თუმცა კონცენტრაციის რისკს ზრდის - Fitch Ratings
21.08.2026.09:03
ბოლო შვიდი წლის განმავლობაში ყაზახეთმა სატრანსპორტო ინფრასტრუქტურის განვითარებაში დაახლოებით $35 მილიარდის ინვესტიცია განახორციელა
21.08.2026.08:40
ყაზახეთმა ტრანსკასპიური საერთაშორისო სატრანსპორტო მარშრუტის გაძლიერების მიზნით ბეინეუ - საქსაულსკის საავტომობილო გზის მშენებლობა დაიწყო
21.08.2026.08:37
