ჩინეთი და ამერიკის შეერთებული შტატები მაღალი რანგის სავაჭრო მოლაპარაკებას გამართავენ
ჩინეთი და ამერიკის შეერთებული შტატები მაღალი რანგის სავაჭრო მოლაპარაკებას გამართავენ. ინფორმაციას Reuters-ი ავრცელებს.
სააგენტოს ცნობით, პეკინი დისკუსიების დაწყებას დათანხმდა. ამერიკისა და ჩინეთის დელეგაციები ერთმანეთს შვეიცარიის ქალაქ ჟენევაში, 9-12 მაისს დაგეგმილი ვიზიტის ფარგლებში შეხვდებიან.
ამერიკის მხრიდან დელეგაციას სახაზინო მდივანი სკოტ ბესენტი, ხოლო ჩინეთის მხრიდან ვიცე-პრემიერი, ჰე ლიფენი უხელმძღვანელებენ. დისკუსიების მიზანი ვაშინგტონსა და პეკინს შორის ერთმანეთის წინააღმდეგ დაწესებული ტარიფების გამო არსებული დაძაბულობის მოხსნაა.
ეს მხარეებს შორის პირველი დიალოგი იქნება მას შემდეგ, რაც აშშ-ის პრეზიდენტმა, დონალდ ტრამპმა ჩინეთს 145 პროცენტიანი ტარიფი დაუწესა.
დღის ტოპ 10 სიახლე
სხვა სიახლეები
თურქეთის თავდაცვის სამინისტრო ირანიდან გაშვებული ბალისტიკური რაკეტის ჩამოგდების შესახებ იუწყება
04.03.2026.16:30
თურქეთის ჰაერსაწინააღმდეგო სისტემამ, ნატოს დახმარებით, ირანიდან გაშვებული ბალისტიკური რაკეტა ჩამოაგდო. ინფორმაციას თურქეთის თავდაცვის სამინისტრო ავრცელებს.
„თურქეთის ჰაერსაწინააღმდეგო და ხმელთაშუა ზღვის აღმოსავლეთ ნაწილში განლაგებულმა ნატოს რაკეტსაწინააღმდეგო ქვედანაყოფებმა დროულად აღმოაჩინეს და ჩამოაგდეს ბალისტიკური რაკეტა, რომელიც ირანიდან იყო გაშვებული, გადაკვეთა ერაყისა და სირიის საჰაერო სივრცე და თურქეთის საჰაერო სივრცისკენ მიემართებოდა“, - აღნიშნულია თურქეთის თავდაცვის უწყების მიერ გავრცელებულ განცხადებაში.
ირანული რაკეტის ფრაგმენტი ჰათაის პროვინციის დორთიოლის რაიონში ჩამოვარდა. ინციდენტის შედეგად არავინ დაშავებულა.
„ვაფრთხილებთ ყველა მხარეს, თავი შეიკავონ ისეთი ქმედებებისგან, რომლებმაც, შესაძლოა, რეგიონში კონფლიქტის განშლა გამოიწვიოს. ამ კონტექსტში ნატოსა და სხვა მოკავშირეებთან კონსულტაციებს გავაგრძელებთ“, - დასძინეს თურქეთის თავდაცვის სამინისტროში.
