ბულგარეთმა ევრო ოფიციალურად მიიღო ეროვნულ ვალუტად
1-ელ იანვარს ბულგარეთი ევროზონას შეუერთდა და სავალუტო კავშირის 21-ე წევრი გახდა. ევრომ ბულგარული ლევი ჩაანაცვლა, ხოლო 31 დეკემბრის მდგომარეობით საბოლოო გაცვლითი კურსი განისაზღვრა შემდეგნაირად: 1 ევრო = 1.96 ლევს.
პრეზიდენტმა რუმენ რადევმა საახალწლო მიმართვაში განაცხადა: „ევროს შემოღება ბულგარეთის ევროკავშირში ინტეგრაციის დასკვნითი ეტაპია - ეს არის ადგილი, რომელსაც ჩვენი ათასწლოვანი კულტურის მიღწევებითა და ჩვენი ქვეყნის ცივილიზაციური წვლილით ვიმსახურებთ“.
ბულგარეთის ცენტრალური ბანკის მმართველმა, დიმიტარ რადევმა ევროპის ცენტრალური ბანკის მმართველ საბჭოში ადგილი დაიკავა.
„მივესალმები ბულგარეთს ევროს ოჯახში, ხოლო მმართველ რადევს - ევროპის ცენტრალური ბანკის მმართველი საბჭოს მაგიდასთან ფრანკფურტში“, - განაცხადა ევროპის ცენტრალური ბანკის პრეზიდენტმა, კრისტინ ლაგარდმა ხუთშაბათს გავრცელებულ განცხადებაში.
დღის ტოპ 10 სიახლე
სხვა სიახლეები
სომხეთის ცენტრალური ბანკის ინფორმაციით, სომხური პროდუქციის საერთო ღირებულება, რომელზეც რუსეთმა ემბარგო დააწესა, მშპ-ის 2%-ს შეადგენს
17.06.2026.14:57
ომხური პროდუქციის საერთო ღირებულება, რომელზეც რუსეთმა ემბარგო დააწესა, სომხეთის მთლიანი შიდა პროდუქტის 2%-ს შეადგენს. ინფორმაციას სომხური მედია სომხეთის ცენტრალური ბანკის მმართველზე მარტინ გალსტიანზე დაყრდნობით ავრცელებს.
როგორც გალსტიანმა აღნიშნა, თუ სომხური პროდუქციის ექსპორტი შემცირდება, სურსათი სომხეთში დარჩება, რაც ფასების შემცირებას გამოიწვევს.
მისი თქმით, თუ სომეხი მწარმოებლები სხვა ბაზრებზე გადართვას მოახერხებენ, რუსეთის მიერ დაწესებული ემბარგოს ზემოქმედება შემსუბუქდება.
ცნობისთვის, რუსეთმა მაისის ბოლოდან სომხური პროდუქციის იმპორტზე აკრძალვის დაწესება დაიწყო. რუსეთში და რუსეთის გავლით ევრაზიული ეკონომიკური კავშირის სახელმწიფოებში აიკრძალა ისეთი პროდუქციის შეტანა, როგორიცაა სომხური მინერალური წყალი „ჯერმუკი“, ხილი, ბოსტნეული, მწვანილი, ალკოჰოლური სასმელები.
NVIDIA ხუთი წლის განმავლობაში პირველად გამოუშვებს კორპორაციულ ობლიგაციებს, რომლის მეშვეობითაც $25 მილიარდის მოზიდვას გეგმავს
17.06.2026.08:40
ცენტრალური ბანკები აგრძელებენ ოქროს რეზერვების ზრდას მდგრადი გეოპოლიტიკური დაძაბულობის ფონზე - ECB
10.06.2026.15:50
ბოინგის თვითმფრინავების მიწოდება მაისში 60 ერთეულამდე გაიზარდა, რაც გასული წლის ანალოგიურ პერიოდთან შედარებით 33%-ით მეტია
10.06.2026.09:10
აპრილში, ნავთობის რეკორდულმა ექსპორტმა აშშ-ის სავაჭრო დეფიციტის შემცირებას შეუწყო ხელი
10.06.2026.09:00
