ამერიკელი კარდინალი რობერტ ფრენსის პრევო რომის პაპად აირჩიეს

მსოფლიო

ტკბილეულის მწარმოებელი Mars-ი 2027 წელს აშშ-ში წარმოების განვითარებაში $1.4 მილიარდის ინვესტირებას გეგმავს

13.11.2026.13:00

M&M's-ისა და Snickers-ის მწარმოებელი კომპანია Mars-ი 2027 წელს აშშ-ში საწარმოო ინფრასტრუქტურის განვითარებაში დაახლოებით 1.4 მილიარდი დოლარის ინვესტირებას გეგმავს. ინვესტიციის მიზანია კომპანიის საკვები პროდუქტებისა და წასახემსებელი პროდუქტების ბრენდების ზრდის დაჩქარება და ინოვაციების ხელშეწყობა.

კომპანიის განცხადებით, ინვესტიციები მიმართული იქნება არსებული საწარმოო ობიექტების მოდერნიზაციის, მიწოდების ჯაჭვის გაძლიერებისა და საოპერაციო ეფექტიანობის გაუმჯობესებისკენ.

Mars-ის ფინანსური დირექტორის, კლაუს აგაარდის განცხადებით, კომპანია აშშ-ის ბაზარზე გაყიდული პროდუქციის დაახლოებით 94%-ს ადგილობრივად აწარმოებს. ამასთან, 2017 წლიდან Mars-მა აშშ-ში საკუთარი საქმიანობის განვითარებაში 9 მილიარდ დოლარზე მეტი ინვესტიცია განახორციელა.

კომპანიის ახალი საინვესტიციო გეგმა ხორციელდება იმ ფონზე, როდესაც შეფუთული საკვები პროდუქტების ინდუსტრია მომხმარებელთა ხარჯვის შენელებისა და ჯანსაღი კვებისკენ მზარდი ტენდენციის გამოწვევების წინაშე დგას, რაც შოკოლადსა და წასახემსებელ პროდუქტებზე მოთხოვნას ამცირებს.

Mars-ის ინფორმაციით, აშშ-ში კომპანიის საწარმოო ობიექტებში, ოფისებსა და ვეტერინარული მომსახურების მიმართულებით ჯამში 80 000 თანამშრომელია დასაქმებული.