ახლო აღმოსავლეთის ტურისტული ინდუსტრია საბრძოლო მოქმედებების გამო ყოველდღიურად $600 მილიონამდე შემოსავალს კარგავს
გამოცემა The Financial Times-ის ინფორმაციით, ახლო აღმოსავლეთში ომის გამო ყოველდღიურად ტურისტული ინდუსტრია 600 მილიონ დოლარს კარგავს.
ათასობით დამსვენებელმა მოგზაურობა გააუქმა მას შემდეგ, რაც ისეთი ქალაქები, როგორიცაა დუბაი, ირანული დრონების სამიზნედ იქცა.
The Financial Times-ი წერს, რომ რეისების გაუქმება, საჰაერო სივრცის დახურვა და პოტენციურ მოგზაურებს შორის მზარდი შეშფოთება ნეგატიურად მოქმედებს რეგიონის ტურისტულ ეკონომიკაზე მას შემდეგ, რაც თეირანმა სპარსეთის ყურის რამდენიმე ქვეყანაზე თავდასხმა განახორციელა.
„შეფერხებების მოკლე პერიოდებმაც, შესაძლოა, მთელ რეგიონში ტურისტული მიმართულებებისთვის, მრეწველობისთვის და დასაქმებულებისთვის მნიშვნელოვანი ეკონომიკური დანაკარგები გამოიწვიოს“, - ციტირებს გამოცემა მოგზაურობისა და ტურიზმის მსოფლიო საბჭოს პრეზიდენტს, გლორია გევარას.
გამოცემის ცნობით, 6 მარტის მდგომარეობით, მხოლოდ დუბაიში 80 ათასი ჯავშანი გაუქმდა.
კონფლიქტის დაწყებამდე მოგზაურობისა და ტურიზმის მსოფლიო საბჭო პროგნოზირებდა, რომ წელს საერთაშორისო მოგზაურებს ახლო აღმოსავლეთში 207 მილიარდი დოლარი უნდა დაეხარჯათ. ისეთი ქალაქები, როგორიცაა დუბაი, ყვავოდნენ, ადამიანებს სთავაზობდნენ ფუფუნებას, მზეს და მშვიდობას.
მაგრამ მსოფლიოს რამდენიმე ფეშენებელური სასტუმრო კონფლიქტში გაეხვია. რაკეტების ნაწილები ეცემოდა დუბაის ბურჯ-ალ-არაბზე. დაზიანდა პალმა ჯუმეირაზე განლაგებული სასტუმრო Accor Fairmont The Palm.
მსხვილი რეგიონული ჰაბებმა: აბუ-დაბიმ, დუბაიმა, დოჰამ და ბაჰრეინმა, რომლებიც დღეში ნახევარ მილიონზე მეტ მგზავრს ემსახურებიან, რეისები გააუქმეს, რის გამოც ხუთ დღეში დაახლოებით 4 მილიონ ადამიანს პრობლემები შეექმნა.
დღის ტოპ 10 სიახლე
სხვა სიახლეები
ჰამბურგში გამართულ ბუნებრივი ღვინოების ფესტივალში საქართველოდან შვიდი საოჯახო მარანი მონაწილეობდა
28.04.2026.12:00
ღვინის ეროვნული სააგენტოს მხარდაჭერით, გერმანიის ფედერაციულ რესპუბლიკის ქალაქ ჰამბურგში გამართულ ბუნებრივი ღვინოების ფესტივალში ,,GLUCK GLUCK Naturweinfest“ შვიდი საოჯახო მარანი მონაწილეობდა.
ფესტივალზე საკუთარი პროდუქცია წარმოადგინეს ქართული ღვინის მწარმოებელმა მარნებმა: “გონჯების ღვინო”, „ზურაბ ღვალაძის ღვინის მარანი“, „მეღვინეობა ილტოს ველი“, „მეღვინეობა თილისმა“, „Blui`s Wine“, „ბაიას ღვინო“ და „ჩვენი ღვინო“.
,,GLUCK GLUCK Naturweinfest“ ბუნებრივი ღვინის ფესტივალია, რომელიც ევროპის ქვეყნების მეღვინეებსა და ღვინის მოყვარულებს აერთიანებს. 2026 წლის ფესტივალში 50-მდე ღვინის მწარმოებელი მონაწილეობდა საქართველოდან, იტალიიდან, ჩეხეთიდან, სლოვენიიდან, ავსტრიიდან, საფრანგეთიდან და გერმანიიდან.
გერმანია ევროპაში ყველაზე დიდი იმპორტიორი და ღვინის მომხმარებელი ქვეყანაა. ღვინის ეროვნული სააგენტოს მიერ მხარდაჭერილი აქტივობებისა და ქართული ღვინის მწარმოებლებთან თანმიმდევრული თანამშრომლობის შედეგად, შექმნილია ქართული ღვინის ექსპორტის მზარდი ტენდენცია.
ღვინის ეროვნული სააგენტოს საქმიანობის ერთ-ერთი ძირითადი მიმართულება საერთაშორისო ბაზრებზე ქართული ღვინის პოპულარიზაციის და ცნობადობის გაზრდის ხელშეწყობაა. ღვინის ბაზრების დივერსიფიცირების მიზნით, სააგენტო მიზანმიმართულ სარეკლამო-მარკეტინგულ კამპანიებს აშშ-ში, ევროპისა და აზიის ქვეყნებში ახორციელებს.
ნავთობის ფასები იზრდება - როგორია მოლოდინები მიმდინარე კონფლიქტის ესკალაციასთან დაკავშირებით
28.04.2026.08:10
ქართული ღვინის წარდგენა სლოვენიაში, ქარვისფერი ღვინოების ფესტივალზე Orange Wine Festival გაიმართა
27.04.2026.11:35
American Express-ის მოგებამ პროგნოზირებულ მაჩვენებელს გადააჭარბა - მომხმარებელთა ხარჯების ზრდა სამი წლის მაქსიმუმზეა
23.04.2026.22:55
ჩინეთის $24 მილიარდიანი შინაური ცხოველების საკვების ბაზარი აქტიურად ვითარდება - როგორია კონკურენცია გლობალურ ბრენდებთან
23.04.2026.22:19
