სვანეთში, კურორტ თეთნულდზე „ფრირაიდის კვირეულის“ ფარგლებში მსოფლიო ტური 16-19 მარტს გაიმართება
საქართველოს ტურიზმის ეროვნული ადმინისტრაციის მხარდაჭერით სვანეთში, კურორტ თეთნულდზე „ფრირაიდის კვირეულის“ ფარგლებში მსოფლიო ტური 16-19 მარტს იმართება. სვანეთი საერთაშორისო დონის ორ საკვალიფიკაციო შეჯიბრს მასპინძლობს, სადაც საქართველოსთან ერთად 15 ქვეყნის 50-მდე სპორტსმენი მონაწილეობს. „ფრირაიდის კვირეულის“ პარალელურად ტურიზმის ეროვნული ადმინისტრაცია გერმანიიდან პოპულარული სამთო სპორტული გამოცემის ჟურნალისტს და მოთხილამურე ინფლუენსერებს მასპინძლობს. პრეს-ტურის მონაწილეები სვანეთის სამთო კურორტებისა და „ფრირაიდის კვირეულის“ შესახებ სტატიებს, პოსტებსა და ვიდეო რგოლებს მოამზადებენ, რაც ხელს შეუწყობს რეგიონის პოპულარიზაციას და ტურისტული ნაკადების გაზრდას.
„ფრირაიდის კვირეული“ სვანეთში მეორედ ტარდება. შეჯიბრის მხარდამჭერები არიან: ტურიზმის ეროვნული ადმინისტრაცია, USAID-ის ეკონომიკური უსაფრთხოების პროგრამა, მთის ტრასების სააგენტო, მესტიის მუნიციპალიტეტი,სვანეთის DMO, ევროკავშირი, შვედეთი და ავსტრია პროექტ GRETA-ს ფარგლებში, და საქართველოს სათხილამურო ფედერაცია. Freeride World Tour-ის ორგანიზატორია ქართული კომპანია White Rabbit.
რეგისტრაციისთვის გადადი ბმულზე და დაიკავე შენი ადგილი Georgian Freeride Series-ს რიგებში.
16-17 მარტი:
https://bit.ly/Freerideregister16
18-19 მარტი:
https://bit.ly/Freerideregister18
შეჯიბრის პარალელურად სვანეთში დაგეგმილია სხვადასხვა კულტურული, გასტრონომიული და გასართობი პროგრამა.
დღის ტოპ 10 სიახლე
სხვა სიახლეები
ისტორიაში პირველად, ქართველმა ქალმა ძიუდოისტმა, ეთერ ლიპარტელიანმა მსოფლიოს ჩემპიონობა იზეიმა
15.06.2025.23:00
უნგრეთში მსოფლიოს ჩემპიონატი მიმდინარეობს ძიუდოში. მსოფლიოს ჩემპიონობა იზეიმა ეთერ ლიპარტელიანმა (-57 კგ).
სპორტის სამინისტროს ინფორმაციით, ლიპარტელიანმ ფინალში იაპონელი მომო ტამაოკი დაამარცხა და პირველი ქართველი ძიუდოისტი ქალი გახდა, რომელმაც სენიორებს შორის ოქროს მედალი მოიპოვა.
ფინალამდე ეთერ ლიპარტელიანმა სამხრეთკორეელი ჯუჰე კიმი, ძიუდოს საერთაშორისო ფედერაციის სახელით მოასპარეზე დარია კურბონმამედოვა და ფინელი ფილალ სალონელი დაამარცხა. ნახევარფინალში კი თურქმენეთის სახელით მოასპარეზე მაია პარდაიევას სძლია.
ქართველი ძიუდოისტები მსოფლიოს ჩემპიონატზე საქართველოს სპორტის სამინისტროს მხარდაჭერით იმყოფებიან.
ჩემთვის მთავარი მოტივაცია არის ჩვენი ქვეყნის წარმოჩენა და ერთი აგურის დადება ჩვენი ქვეყნის პოპულარიზაციაში - მერაბ დვალიშვილი
15.06.2025.16:44
მეორე პარიზული ტიტული ხვიჩა კვარაცხელიასთვის - „პსჟ“ საფრანგეთის თასის გამარჯვებულია
25.05.2025.13:30
ბაქოში საქართველოს დამოუკიდებლობის დღისადმი მიძღვნილი საზეიმო კონცერტი გაიმართა და ჰეიდარ ალიევის ცენტრი საქართველოს დროშის ფერებში განათდა
25.05.2025.00:55
