რა თქმა უნდა, ჩემი დიდი სურვილია, რომ საქართველოში ჩატარდეს UFC - მერაბ დვალიშვილი
UFC-ის სუპერმსუბუქი წონის ქართველმა ჩემპიონმა მერაბ დვალიშვილმა პრესკონფერენცია გამართა.
მან აღნიშნა, რომ საქართველოს სპორტის მინისტრთან ერთად მის აგენტსაც აქტიური მონაწილეობა აქვს მიღებული საქართველოში UFC-ის ღონისძიების ჩატარების შესახებ მოლაპარაკებების პროცესში.
ჩემპიონის თქმით, სავსებით შესაძლებელია, რომ უახლოეს მომავალში საქართველომ უმასპინძლოს მსოფლიოში ყველაზე პრესტიჟული საბრძოლო ორგანიზაციის ღონისძიებას.
„რა თქმა უნდა, ჩემი დიდი სურვილია, რომ საქართველოში ჩატარდეს UFC. ჩემმა მენეჯერმა მიიღო მონაწილეობა, რომ ეს შეხვედრა ყოფილიყო [UFC-ის ღონისძიებასთან დაკავშირებით] ანუ რეალურად დაიძრა საქმე. UFC-დან მწერენ, რომ ნახეს კადრები, ახლაც მთელი მსოფლიო გვიყურებს ახლაც - რიყეზე რომ ვიყავით და აეროპორტშიც დამხვდნენ [გულშემატკივრები]”, - განაცხადა მერაბ დვალიშვილმა.
დღის ტოპ 10 სიახლე
სხვა სიახლეები
ისტორიაში პირველად, ქართველმა ქალმა ძიუდოისტმა, ეთერ ლიპარტელიანმა მსოფლიოს ჩემპიონობა იზეიმა
15.06.2025.23:00
უნგრეთში მსოფლიოს ჩემპიონატი მიმდინარეობს ძიუდოში. მსოფლიოს ჩემპიონობა იზეიმა ეთერ ლიპარტელიანმა (-57 კგ).
სპორტის სამინისტროს ინფორმაციით, ლიპარტელიანმ ფინალში იაპონელი მომო ტამაოკი დაამარცხა და პირველი ქართველი ძიუდოისტი ქალი გახდა, რომელმაც სენიორებს შორის ოქროს მედალი მოიპოვა.
ფინალამდე ეთერ ლიპარტელიანმა სამხრეთკორეელი ჯუჰე კიმი, ძიუდოს საერთაშორისო ფედერაციის სახელით მოასპარეზე დარია კურბონმამედოვა და ფინელი ფილალ სალონელი დაამარცხა. ნახევარფინალში კი თურქმენეთის სახელით მოასპარეზე მაია პარდაიევას სძლია.
ქართველი ძიუდოისტები მსოფლიოს ჩემპიონატზე საქართველოს სპორტის სამინისტროს მხარდაჭერით იმყოფებიან.
ჩემთვის მთავარი მოტივაცია არის ჩვენი ქვეყნის წარმოჩენა და ერთი აგურის დადება ჩვენი ქვეყნის პოპულარიზაციაში - მერაბ დვალიშვილი
15.06.2025.16:44
მეორე პარიზული ტიტული ხვიჩა კვარაცხელიასთვის - „პსჟ“ საფრანგეთის თასის გამარჯვებულია
25.05.2025.13:30
ბაქოში საქართველოს დამოუკიდებლობის დღისადმი მიძღვნილი საზეიმო კონცერტი გაიმართა და ჰეიდარ ალიევის ცენტრი საქართველოს დროშის ფერებში განათდა
25.05.2025.00:55
