ამერიკული რესტორნების ქსელი Dunkin'-ი, რომლის ფრანჩაიზსაც საქართველოში „ვისოლ ჯგუფი“ ფლობს, საკუთარ მომხმარებელს სხვადასხვა ახალი დონატებით აქტიურად ანებივრებს. როგორც Business Insider Georgia-ს „ვისოლ ჯგუფში“ განუცხადეს, მოხდა Dunkin'-ის ასორტიმენტის გამრავალფეროვნება და მენიუს დუბაის შოკოლადის დონატების სამი სახეობა დაემატა. 

„დავამატეთ დუბაის შოკოლადის დონატების სამი სახეობა“, - აცხადებენ კომპანიაში, შესაბამისად დამატებულია: DUBAI CHOCOLATE DONUT, PISTACHIO&KADAIF RING DONUT, და CHOCOLATE&KADAIF RING DONUT.

დღეისათვის  Dunkin’-ი საქართველოში 24 სახეობის დონატს აწარმოებს. Dunkin’ მსოფლიოს არომატული ყავით, მრავალფეროვანი დონატებითა და უგემრიელესი სენდვიჩებით მასპინძლობს. ისტორია კი დაიწყო 1950 წელს, როდესაც ბილ როზენბერგმა პირველი რესტორანი გახსნა ქუინსში, მასაჩუსეტსის შტატში. 

დღეს Dunkin’-ი 12 000-ზე მეტ ობიექტს ითვლის 45 ქვეყანაში და ამაყობს, რომ არის მსოფლიოს წამყვანი კომპანია რესტორნების ინდუსტრიაში.

2020 წელს Dunkin’-ი 11.3 მილიარდ აშშ დოლარად „Inspire Brands Inc“-მა შეისყიდა. “Inspire Brands Inc”-ი ამერიკის შეერთებულ შტატებში და 60 სხვადასხვა ქვეყანაში 32,000 რესტორანს აერთიანებს, რომლებიც Arby’s-ის, Dunkin’ -ის, Baskin-Robbins-ის, Buffalo Wild Wings-ის, Jimmy John’s-ის, Rusty Taco-ს, and SONIC-ის ბრენდებით არის წარმოდგენილი.

2014 წლის ოქტომბერში ხელი მოეწერა ამერიკული რესტორნების ქსელ Dunkin’-ის განვითარების ხელშეკრულებას საქართველოში. Dunkin’ არის საერთაშორისო ბრენდი, რომლის ღირებულებები სრულ თანხვედრაში მოდის „ვისოლ ჯგუფის“ ღირებულებებთან.